“Ni Ismael ken ti Pamiliana,” Dagiti Estoria iti Libro ni Mormon (2023)
Ni Ismael ken ti Pamiliana
Nakikadua iti panagdaliasatda nga agturong iti naikari a daga
Nagnaedda nga is-isuda ti pamilia da Lehi ken Saria iti langalang. Maysa nga aldaw, imbaga ti Apo ken ni Lehi nga ibaonna dagiti annakna a lallaki, da Laman, Lemuel, Sam, ken Nephi, idiay Jerusalem. Naibaonda a mangkiddaw ken ni Ishmael ken ti pamiliana a makikadua kadakuada. Agtitinnulong dagiti pamiliada a mangpadakkel kadagiti annak iti naikari a daga.
Kayat ni Ismael ken ti pamiliana ti sumurot iti Apo. Namatida a kayat ti Apo a makikaduada iti pamilia da Lehi ken Saria. Pinilida ti pumanaw iti Jerusalem ket makipagkita ken ni Lehi iti langalang.
Iti dalanda, sumagmamano a tattao ti saanen a mangayat nga agtungpal pay. Kinayatdan ti agawid. Indawat ni Nephi kadakuada a maaddaanda iti pammati iti Apo.
Kinuna ni Nephi a maaramid ti Apo ti ania man a banag no adda pammatida. Ngem nagpungtot da Laman ken Lemuel. Pinungoda ni Nephi ket kayatda a panawan iti langalang.
Nagkararag ni Nephi para iti tulong. Nagbalin a nalukay dagiti tali, ket timmakder ni Nephi. Ngem kayat latta a dangran da Laman ken Lemuel. Indepensa ti maysa kadagiti annak a babbai ni Ismael ni Nephi. Indepensa pay ni nanangna ken ti maysa kadagiti kakabsatna a lalaki. Dimngeg kadakuada da Laman ken Lemuel ket insardengda ti panangpadas a mangdangran ken Nephi.
Nagladingit da Laman ken Lemuel maipapan iti inaramidda. Indawatda ken ni Nephi a pakawanenna ida. Pinakawan ni Nephi dagiti kakabsatna a lallaki. Kalpasanna nagkararag da Laman ken Lemuel ket kiniddawda iti Apo a pakawanenna ida.
Nagtultuloyda amin iti panagdaliasatda ket nakadanonda iti tolda da Lehi ken Saria. Kamaudiananna, nagtipon dagiti dua a pamilia. Nagyamanda iti Apo ket nagdaydayawda Kenkuana.