3 Nephi 18; 20

Ibinglay ni Jesus ti Sakramento

Kanayon a laglagipen Isuna

Kalpasan a pinaimbag ni Jesus dagiti masakit ken binendisionanna dagiti babassit nga ubbing, inyam-ammona ti sakramento kadagiti amin a tattao a naguummong a dumngeg Kenkuana. Kiniddawna kadagiti disipulona nga iyegda ti sumagmamano a tinapay ken arak.

3 Nephi 17; 18:1–2

Pinirsapirsay ni Jesus ti tinapay ken binendisionanna daytoy. Intedna daytoy kadagiti disipulona tapno kanenda. Imbaga ni Jesus kadagiti disipulona nga itedda ti tinapay kadagiti amin a tattao.

3 Nephi 18:3–4, 6

Kinuna ni Jesus a tunggal maysa a mamati Kenkuana ken nabuniagan ket rumbeng a mangan iti tinapay. No aramidenda dayta, laglagipenda koma ti bagina. Impalagipna kadagiti tao ti maipapan idi nariknada dagiti lamma ti lansa kadagiti ima ken sakana ken ti sugat iti bakrangna.

3 Nephi 11:14–15; 18:3–7

Kalpasanna, inikkan ni Jesus dagiti disipulona iti arak nga inumenda. Imbagana kadagiti disipulona nga itedda ti arak kadagiti amin a tattao.

3 Nephi 18:8–9

Kinuna ni Jesus a tunggal maysa a nagbabawi ken nabuniagan ket rumbeng nga uminum iti arak. Kiniddawna iti tunggal maysa nga imminum iti arak a laglagipenda ti darana. Impalagipna kadakuada nga intedna ti darana idi nagsagaba ken natay gapu kadakuada.

3 Nephi 18:11

Kinuna ni Jesus a maysa a bilin ti pannangan iti tinapay ken panaginum iti arak. Babaen ti pannanganda iti tinapay ken panaginumda iti arak, impakita dagiti tao iti Nailangitan nga Ama a kayatda a tungpalen dagiti bilinna ken laglagipen ni Jesus. Kinuna ni Jesus a mabendisionanda iti Espiritu Santo no aramidenda dagitoy a banag.

3 Nephi 18:7, 10–14

Kalpasan a nangan dagiti tao iti tinapay ken imminumda iti arak, napnoda iti Espiritu Santo. Ket indaydayaw dagiti tao ni Jesus.

3 Nephi 18:4–5, 9; 20:9