1 Nephi 16

Ti Liahona ken ti Natukkol a Bai

Panagkalikagum a manggun-od iti tulong ti Apo

dagiti pamilia a nakatugaw iti lawlaw ti campfire

Nagdaliasat dagiti pamilia da Lehi ken Ismael iti langalang iti uneg ti adu a tawen. Inturong ti Apo ida kadagiti nasaysayaat a paset ti daga. Masapul nga aganup ken agurnongda iti taraon iti dalan. Narigat a panagdaliasat daytoy.

1 Nephi 16:14; 17:1, 4

Ni Lehi a kumitkita iti panagsingising ti init

Inkari ti Apo nga iturongna dagiti pamilia iti nasayaat a daga no tungpalenda dagiti bilin. Saanda nga ammo no kasano a biroken ti daga, ngem iturongna ida.

1 Nephi 2:20; 10:13; 17:13–14

Ni Lehi a mangig-iggem iti Liahona

Maysa nga agsapa, nasdaaw ni Lehi a nakasarak iti gambang a bola iti ruar ti toldana. Naawagan ti bola iti Liahona. Iti uneg ti Liahona, adda pagitudo a mangitudo iti dalan a kasapulan a pagdaliasatan ti grupo. No dadduma, masarakanda dagiti mensahe manipud iti Apo a nakasurat iti Liahona. Kastoy ti panangiwanwan ti Apo kadakuada.

1 Nephi 16:10, 16, 26–29; Alma 37:38

Ni Nephi nga addaan iti natukkol a bai ken da Laman ken Lemuel nga agdaydayamudom

Maysa nga aldaw kabayatan ti panaganup ni Nephi, natukkol ti landok a baina. Saan a makaala dagiti pamilia iti taraon no awan daytoy. Nakapungtot dagiti kakabsat ni Nephi kenkuana ken iti Apo.

1 Nephi 16:18–21

Ni Nephi a nakaiggem iti natukkol a bai ken nagdanag ni Lehi

Nabannogda unay ken nabisinanda amin. Naliday ken nagdayamudom ti sumagmamano kadakuada. Nagbutengda amangan ta agbisindanto. Uray ni Lehi ket nagdayamudom iti Apo.

1 Nephi 16:19–22, 35

Ni Nephi a nakaiggem iti martilio ken paet

Nagaramid ni Nephi iti baro a bai ken pana manipud iti kayo. Adda pammatina a tulongan ida ti Apo a mangbirok iti taraon.

1 Nephi 16:23

Da Lehi ken Nephi a kumitkita iti Liahona

Dinamag ni Nephi ken ni Lehi no sadino ti paganupanna. Nagladingit ni Lehi gapu iti panagdayamudomna. Nagbabawi ken nagkiddaw iti Apo iti tulong. Imbaga ti Apo ken ni Lehi a kitaenna ti Liahona. Adda mensahe a naisurat iti daytoy. Naammuan dagiti pamilia nga agandar laeng ti Liahona no adda pammatida iti Apo ken agtulnogda kadagiti bilin.

1 Nephi 16:23–29

Ti pamilia ni Lehi a mangbuybuya ken ni Nephi a nakaawit iti maysa nga ayup nga inanupna

Ti Apo no dadduma balbaliwanna idi ti mensahe iti Liahona tapno matulonganna ida kabayatan dagiti panagdaliasatda. Tinulongan ti Liahona ni Nephi a mangammo no sadino ti paganupan. Nangisangpet iti taraon a makan, ket naragsakda amin. Nagbabawida ket nagyamanda iti Apo.

1 Nephi 16:28–32