Ni Mormon a Propeta

Panangisurat iti Libro ni Mormon

adu a tao ti agar-aramid kadagiti armas, ket ni Mormon idi ubing pay ken ni nanangna nga agtaktakderda iti asideg ti maysa a lamisaan a napno kadagiti kampilan

Ni Mormon ket maysa a Nephite a namati ken ni Jesucristo. Dimmakkel iti panawen a saan a nagtulnog ti adu a tattao kadagiti bilin ti Dios. Nagtakaw ken nagpipinnatay dagiti tao gapu iti kuarta ken bileg. Adu dagiti gubat.

3 Nephi 5:12–13; 4 Nephi 1:27–49; Mormon 1:1–3, 15, 18–19

Kasarita ni Ammaron ni Mormon ken ni nanangna bayat ti panagapitda, ken adu a tattao ti agtartrabaho iti talon iti asideg

Idi agtawen iti 10 ni Mormon, adda lalaki nga agnagan iti Ammaron a napan kenkuana. Inaywanan ni Ammaron dagiti kasuratan ti pakasaritaan dagiti Nephite. Nagtalek ni Ammaron ken ni Mormon ket imbagana kenkuana a nailemmeng dagiti rekord iti maysa a turod. Kinuna ni Ammaron nga inton agtawen ni Mormon iti 24, rumbeng nga isurat ni Mormon ti nakitana maipapan kadagiti taoda ken inayonna dayta kadagiti kasuratan.

4 Nephi 1:47–49; Mormon 1:2–4

agkarkararag ti tin-edyer a ni Mormon iti maysa a kakaykaywan, ket adda lawag iti aglawlawna

Bayat ti panagdakkel ni Mormon, nalagipna ti kiniddaw ni Ammaron nga aramidenna. Idi agtawen ni Mormon iti 15, sinarungkaran isuna ti Apo. Naammuan ni Mormon ti maipapan iti kinaimbag ni Jesus.

Mormon 1:5, 15

agkawes ti tin-edyer a Mormon iti kabal ken buybuyaenna ti buyot dagiti Nephite

Uray no ubing pay ni Mormon, napigsa isuna. Pinili dagiti Nephite a mangidaulo kadagiti buyotda. Inayat ni Mormon dagiti tao iti amin a pusona. Kayatna nga agtulnogda iti Dios ken naragsakda.

Mormon 2:1–2, 12, 15, 19; 3:12

agladladingit ken agkarkararag ti nataengan a Mormon, ket ti sumsumged a daga ti adda iti background

Pinadas ni Mormon a tulongan dagiti tao. Inaldaw nga inkararaganna ida. Ammo dagiti tao a dakes ti ar-aramidenda, ngem saanda nga agbabawi. Awanen ti pannakabalin ti Dios a tumulong kadakuada. Gapu ta awan pammatida, nagsardeng dagiti milagro. Intultuloyda ti nakiranget, ket adu kadakuada ti natay. Naladingitan ni Mormon.

Mormon 1:13–14, 16–19; 2:23–27; 3:1–12; 4:5, 9–12; 5:1–7

Agsurat ken urnosen ni Mormon dagiti metal a pinanid

Idi agarup 24 ti tawen ni Mormon, napan iti turod a nakailemmengan dagiti kasuratan. Rinugianna nga insurat dagiti estoria ken pannursuro dagiti tao kadagiti metal a pinanid. Tinulongan ti Dios tapno maammuanna no ania ti rumbeng nga isuratna. Nagtrabaho ni Mormon iti kasuratan iti adu a tawen. Ita, maawagan ti kasuratan iti Libro ni Mormon.

Dagiti Balikas ni Mormon 1:3–9; Mormon 1:3–4; 2:17–18

Nagdaliasat ni Mormon, ti asawana, ken dagiti annakna

Kalpasan ti adu a gubat, pinatay dagiti Lamanite ti dandani amin a Nephite. Ammo ni Mormon nga asidegen a mapukawton dagiti taona. Naladingitan ta saanda a nagbabawi ken saanda a kiniddaw ti tulong ti Dios. Ngem nagkararag ket kiniddawna iti Dios a salaknibanna dagiti pinanid. Ammona a natalged dagiti pinanid agsipud ta naglaon daytoy kadagiti sasao ti Dios.

Dagiti Balikas ni Mormon 1:11; Mormon 5:11; 6:6, 16–22

Ni Mormon kas maysa a lakay intedna iti anakna a ni Moroni dagiti metal a pinanid

Kayat ni Mormon a mamati dagiti tao ken ni Jesus. Namnamaenna nga adu a tao ti mangbasa iti libro iti masanguanan. Nangnangruna a kayatna a mabasa dayta dagiti pamilia dagiti Lamanite iti maysa nga aldaw. No aramidenda dayta, maammuanda ti maipapan ken Jesus. Sakbay a natay ni Mormon, intedna ti kasuratan iti anakna a ni Moroni tapno natalged daytoy.

Dagiti Balikas ni Mormon 1:1–2; Mormon 3:17–22; 5:8–24; 6:6; 7; 8:1