“Babbai iti Langalang,” Dagiti Estoria iti Libro ni Mormon (2023)
Babbai iti Langalang
Makipagna iti Apo
Nagdaliasat dagiti annak a babbai ni Ismael a kaduada ti pamiliada iti langalang. Narigat ti panagdaliasat. Kalpasan ti sumagmamano a panawen, inasawada dagiti annak da Lehi ken Saria.
Maysa nga aldaw, natay ni Ismael. Nagladingit unay dagiti annakna a babbai. Kinailiwda ti amada. Nadanagan dagiti annak a babbai a mataydanto met ken dagiti pamiliada iti langalang. Naupayda kada Lehi ken Nephi, ket kayatda ti agsubli iti pagtaenganda iti Jerusalem.
Nakisao ti timek ti Apo kadagiti annak a babbai ni Ismael ken dagiti pamiliada. Nagbabawida, ket binendisionan ti Apo ida.
Naaddaan dagiti babbai kadagiti maladaga iti langalang. Naaddaan ni Saria ti dua pay nga annak a lallaki, nga agnagan iti Jacob ken Jose.
Tinulongan ti Apo dagiti babbai iti panagdaliasatda. Binendisionanna ida iti adu a gatas para kadagiti maladagada. Tinulonganna dagiti babbai nga agbalin a napigpigsa bayat ti panagdaliasatda.
Kinuna ti Apo nga idadauluanna dagiti annak a babbai ken dagiti pamiliada nga agturong iti naikari a daga. Inkari ti Apo kadagiti pamilia nga addaandanto iti amin a kasapulanda bayat ti panagdaliasatda. Pinagbalinna a nasayaat a kanen ti taraon nga inanupanda, ket inwanwanna ida.
Kalpasan ti walo a tawen a kaaddada iti langalang, nakadanon dagiti pamilia iti baybay. Nakipagrag-o dagiti babbai kadagiti pamiliada. Napintas ti daga iti igid ti baybay. Inawaganda daytoy iti Bountiful gapu ta napno iti bunga ken diro ti uyokan a makan. Insagana ti Apo amin daytoy para kadakuada.