Alma 39–42

Corianton

Panagsubli manen iti Apo

Ni Corianton a mangisursuro kadagiti tao

Ni Corianton ti maysa kadagiti annak a lallaki ni Alma. Napan a kakuyogna ti amana, ti kabsatna a ni Shiblon, ken dadduma pay tapno mangisuro iti maysa a grupo dagiti tao a maawagan iti Zoramite maipapan iti ebanghelio ni Jesucristo.

Alma 31:5–7; 32:1

Ni Corianton a makiin-inum kadagiti tao

Bayat ti pannakikadua ni Corianton kadagiti tao, nasulisog isuna nga agbasol. Imbes nga agtulnog iti Apo, pinilina ti agaramid kadagiti banag a maibusor kadagiti bilin ti Dios. Gapu iti inaramidna, saan a namati ti sumagmamano kadagiti Zoramite iti insuro ni Alma ken dagiti annakna a lallaki.

Alma 39:2–5, 11–12

Ni Alma a makisarsarita ken ni Corianton

Inawis ni Alma ni Corianton nga agbabawi ket agsubli iti Apo para iti pannakapakawan. Madanagan ni Corianton maipapan kadagiti paset ti plano ti Apo. Tinulongan ni Alma ti anakna a makaawat iti plano ti Apo iti ragsak, Pannubbot ni Cristo, panagungar, ken biag kalpasan ti ipapatay. Impalagip ni Alma kenkuana nga adda maysa a trabaho a paaramid ti Apo kenkuana.

Alma 39:7–9, 13–19; 40–42

Ni Corianton a mangisursuro kadagiti tao

Dimngeg ni Corianton iti amana. Adda pammatina ken ni Jesus ken nagbabawi kadagiti basolna. Nasursurona a nalinteg ti Apo ken kasta met a managayat ken naasi. Nangisuro manen ni Corianton a kaduana ti amana ken ti kabsatna a lalaki. Insuroda ti adu a tattao maipapan iti rag-o ken talna ti panagbabawi ken ti panagbiag iti ebanghelio ni Jesucristo.

Alma 42:30–31; 43:1–2; 48:17–18