Alma 30

Da Alma ken Korihor

Pammati a pudno ti Dios

Umisem ken kasarita ni Korihor ti maysa a tao bayat ti pannagnada iti makumikom a kalsada

Dimteng ti lalaki nga agnagan iti Korihor iti daga ti Zarahemla. Imbagana kadagiti tao a saan a pudno ti Dios ken ni Jesucristo.

Alma 30:6, 12, 37–38, 45

Iseman ken seniasan ni Korihor ti maysa a naliday nga ubing

Kinuna ni Korihor a mabalin laeng nga ammo dagiti tao ti maysa a banag no makitada daytoy. Linaisna dagiti tao a mamati ken ni Jesus.

Alma 30:13–16

Iseman ken kasao ni Korihor ti ummong dagiti tao

Kinuna ni Korihor a saan a nasken a mamati dagiti tao kadagiti bilin ti Dios. Kinunana a maaramid dagiti tao ti ania man a tarigagayanda. Adu a tattao ti namati kenkuana. Inkeddengda nga aramiden dagiti dakes a banag.

Alma 30:17–18

Pinungo ken pinaruar iti purok dagiti soldado ni Korihor

Pinadas ni Korihor nga isuro dagiti Anti-Nephi-Lehi, ngem saanda a namati kenkuana. Pinungoda ket pinagtalawda. Napan ketdi isuna iti daga ti Gideon. Pinungo met dagiti tao isuna sadiay. Impatulodda isuna ken ni Alma.

Alma 30:19–29

Iseman ken seniasan ni Korihor ni Alma

Imbaga ni Korihor ken ni Alma a saan a pudno ti Dios. Kinunana nga agul-ulbod ni Alma ken dagiti dadduma pay a saserdote kadagiti tao. Kinuna ni Korihor nga ar-aramidenda dagiti tao a mangsurot kadagiti maag a tradision. Imbagana pay nga alaenda ti kuarta manipud kadagiti tao. Ammo ni Alma a saan a pudno daytoy. Mamati isuna iti Dios ken ni Jesus.

Alma 30:30–40

Kasarita ni Alma ti ummong dagiti tao bayat ti panagtugaw ni Korihor iti likudan a nakakepkep dagiti takiagna

Kinuna ni Alma a dagiti propeta ken amin a banag ditoy daga ket tumulong kadagiti tao a mangammo a pudno ti Dios. Kayat ni Korihor ti ad-adu pay a pakakitaan. Kinuna ni Alma nga itedna ken ni Korihor ti pakakitaan. Kinunana nga aramiden ti Dios ni Korihor a saan a makapagsao. Apaman nga insao ni Alma daytoy, saan a makapagsao ni Korihor.

Alma 30:41–50

Kasla nagliday ni Korihor ket itudona ti maysa a papel nga addaan iti sinurat bayat ti yaadayo kenkuana ti ummong dagiti tao

Insurat ni Korihor nga ammona a pudno ti Dios. Nabayagen nga ammona. Insuratna a ti sairo ti nangallilaw kenkuana. Imbaga ti sairo ken ni Korihor nga isurona ti kinaulbod maipapan iti Dios ken ni Jesus. Idi naammuan dagiti tao ti kinapudno maipapan ken Korihor, saanda a namati kadagiti pannursurona. Nagbabawida ket rinugianda manen a sinurot ni Jesus.

Alma 30:52–53, 57–58