2 Nephi 4–5

Ti Baro a Pagtaengan iti Naikari a Daga

Dagiti Nephite ken dagiti Lamanite

Nagtultuloy a dimmakkel ti pamilia da Lehi ken Saria iti naikari a daga. Naaddaan dagiti annakda kadagiti bukodda nga annak. Lumaklakayen ni Lehi. Sakbay a natay, nangted kadagiti bendision iti tattao iti pamiliana. Imbagana kadakuada a no tungpalenda dagiti bilin ti Dios, tulonganto ida ti Apo.

2 Nephi 4:3–12

Kalpasan a natay ni Lehi, indauluan ni Nephi dagiti tao. Imbagana kadakuada nga agtungpalda iti Apo. Nakagura da Laman ken Lemuel. Kayatda a patayen ni Nephi tapno isuda ti mangidaulo ketdi.

2 Nephi 4:13; 5:1–4

Imbaga ti Apo ken ni Nephi a pumanaw a kakuyogna ti pamiliana ken iti siasino man a mayat a sumurot iti Apo. Nagdaliasatda iti adu nga aldaw ken nakasarakda iti baro a lugar a pagnaedanda.

2 Nephi 5:1, 5–8

Dagiti kimmuyog ken Nephi ket naawaganda iti Nephite, ken dagiti nagbati ket naawaganda iti Lamanite. Indawat dagiti Nephite ken ni Nephi a mangidaulo kadakuada. Napasnekda a nagtrabaho. Nagtalon, nagtaraken kadagiti dinguen, ken nangbangonda iti templo ken dadduma pay a pasdek. Insuro ida dagiti saserdote ken mannursuro maipapan iti Apo, ket naragsak dagiti tao.

2 Nephi 5:9–11, 13–17, 26–27