“1: Үйлдэх хамтрагчид,”Их Эзэнээр дамжуулан хүч чадал олж авах нь: Сэтгэлийн тэнхээтэй байх (2020) “1: Үйлдэх хамтрагчид,”Их Эзэнээр дамжуулан хүч чадал олж авах нь: Сэтгэлийн тэнхээтэй байх Үйлдэх хамтрагчид Үйлдэх хамтрагчтай байхын ашиг тус Унш: Та бусдын тусламжтай агуу зүйлсийг гүйцэтгэж чадна. Жишээлбэл, номлогчдод дэмжиж туслах хамтрагч байдаг. Манай бүлэгт, бидэнд ч мөн адил хамтрагчид байгаа. Үйлдэх хамтрагчид бие биедээ амлалтаа биелүүлэхэд нь нэг нэгэндээ дараах арга замаар тусалдаг. Үүнд: Долоо хоногийн турш нэг нэгэнтэйгээ утсаар холбогдоно, зурвас бичнэ эсвэл айлчилж очно. Бүлгийн цугларалтаар сурсан зүйлсээ ярилцана. Амлалтаа биелүүлэхэд нь нэг нэгнээ урамшуулна. Хүндрэл бэрхшээлийн талаар хамтдаа зөвлөлдөнө. Нэг нэгнийхээ төлөө залбирна. Ярилц: Ямар нэг хэцүү зүйлийг гүйцэлдүүлэхэд өөр нэг хүн танд хэрхэн тусалж байсан бэ? Унш: Хамтрагч байх нь хэцүү биш, бас их цаг шаардахгүй. Яриагаа эхлүүлэхийн тулд та ийн асууж болно. Бүлгийн өнгөрсөн уулзалтаас танд юу таалагдсан бэ? Энэ долоо хоногт танд ямар сайн зүйл тохиолдсон бэ? Та энэ долоо хоногт Миний суурь зарчмыг хэрхэн ашигласан бэ? Ярианы хамгийн чухал хэсэг нь амлалтаа биелүүлэхэд нь нэг нэгэндээ туслах явдал юм. Та ийн асууж болно. Та амлалтаа хэр сайн биелүүлж байгаа вэ? Хэрэв заримыг нь биелүүлж чадаагүй бол танд тусламж хэрэгтэй байна уу? Би таныг хэрхэн хамгийн сайнаараа дэмжиж чадах вэ?