Бие даасан байдал
Суралц

“10: Суралц,” Их Эзэнээр дамжуулан хүч чадал олж авах нь: Сэтгэлийн тэнхээтэй байх (2020)

“10: Суралц,” Их Эзэнээр дамжуулан хүч чадал олж авах нь: Сэтгэлийн тэнхээтэй байх

Суралц—Зарцуулах дээд хугацаа: 60 минут

1. Өсөлт хөгжлөө олж харах

Унш:

Их Эзэний хүчээр мөн Түүний ач ивээлээр дамжуулан бид бүх зүйлийг хийж, туулж, ялан дийлэхдээ адислагдана. Сүүлийн цөөн хэдэн долоо хоногийн туршид бид Их Эзэнээс хүч чадлыг олж авч, сэтгэл хөдлөлөө тогтвортой байлган, илүү сэтгэлийн тэнхээтэй байх олон чадвараас суралцсан.

Ярилц:

Дээрх үйл ажиллагаа-ны үеэр бичсэн зарим бодлоо бүлэгтэйгээ хуваалц. Юу нь сайн болсон бэ?

Та өөрчлөгдөх гэж хичээж байхдаа ямар бэрхшээлтэй тулгарсан бэ, мөн эдгээр бэрхшээлийг туулах явцдаа хэрхэн өсөж хөгжсөн бэ?

2. Алдаанаасаа суралцах

Унш:

Алдаа гаргах нь амьдралд тохиолддог хэвийн зүйл бөгөөд өөрчлөгдөхөөр хичээж зүтгэж байхад зайлшгүй алдаа гардаг. Таны алдаа үргэлжлүүлэн өсөж хөгжих арга замуудыг танд зааж чадна. Та саад тотгортой тулгарахдаа төгс төгөлдөр байдалд биш, харин өсөлт хөгжилдөө анхаарах нь тустай. Ахлагч Ким Б.Кларк ийн заасан.“Бидний хэн нь ч төгс биш. Заримдаа бид гацаанд ордог. Бидний анхаарал төвлөрөхөө болих юм уу сэтгэлээр унадаг. Бид бүдэрдэг. Гэвч бид наманчлагч зүрх сэтгэлтэйгээр Есүс Христ рүү харвал Тэр биднийг өргөж, нүглээс цэвэршүүлж, уучилж, зүрх сэтгэлийг маань эдгээх болно. Тэр тэвчээртэй, нинжин сэтгэлтэй ба Түүний гэтэлгэгч хайр хэзээ ч дуусдаггүй мөн хэзээ ч үл цөхөрнө” (“Есүс Христ рүү харагтун,” 2019 оны 4-р сарын Ерөнхий чуулган, 56).

Сударт “Зөв шударга зүдүүр их авч, ЭЗЭН түүнийг тэр бүгдээс нь аварна” (Дуулал 34:19) хэмээн заадаг.

Та саад тотгортой тулгарах үедээ Аврагчид хандсанаар төгс төгөлдөр байдлын биш, харин өсөлт хөгжлийн үзэл бодлыг хөгжүүлж чадна. Саад тотгорыг туулах нэг арга зам бол тэдгээрийг аялалд явахтай харьцуулах явдал юм. Жишээлбэл, та хөрш зэргэлдээх хот руу аялан явж байгаагаар төсөөл. Тийшээ очих замдаа таны машины дугуй хагарав. Та дугуйгаа засахын тулд аяллаа эхнээс нь эхлүүлэх үү? Үгүй, та байгаа газартаа үүнийг засах арга олоод, аяллаа цааш үргэлжлүүлнэ. Үүний адилаар, та саад бэрхшээлтэй тулгарахдаа таны бүх өсөлт хөгжил алга болоод, одоо ахиад шинээр эхлэх хэрэгтэй боллоо гэж бодож магадгүй. Гэхдээ тийм биш. Та байгаа газартаа асуудлаа засах арга замуудыг олоод, урагшилж чадна. Үүнээс гадна, саад тотгор нь таны сайжруулах хэрэгтэй байж болох хэсгүүдийг танд харуулж чадна.

Ярилц:

Та өөрт тохиолдсон саад бэрхшээлээс юу сурсан бэ?

3. Бэрхшээлээ дажгүй давах

Унш:

Мөнх бус амьдралд бид бэрхшээл, зовлон зүдгүүр дунд амьдарч сурах хэрэгтэй. Бид сэтгэл санааны асуудлаас хол байхыг ихэд хүсэж мөн төгс төгөлдөр байхыг хичээж болох ч хэр чадлаараа зүтгэсэн үед маань ч сэтгэл санааны асуудлууд байсаар байдаг. Гэхдээ бид бууж өгөх хэрэггүй. Бид итгэлтэйгээр урагшлах зуураа эдгээр асуудалтайгаа амьдарч сурах хэрэгтэй. Ийн үйлдэх нь бидэнд амар амгаланг мэдэрч мөн илүү хаттай байхад туслах болно.

Ахлагч Дийтр Ф.Угдорф ийн заасан. “Нэгэн чухал ойлголтыг хуваалцъя. Тэвчээр нь бусдад даалган өөрөө чөлөөлөгдөж байгаа эсвэл айдсаасаа болж үйлдэхгүй байх гэсэн утгатай бус юм. Тэвчээр гэдэг нь идэвхтэй хүлээж, эцсээ хүртэл тэвчих гэсэн үг юм. Энэ нь зүрх сэтгэлийн хүслээ хойш тавих үед ч тууштай байж, ажиллаж, найдаж, итгэлээ хэрэгжүүлэхийн тулд чадах бүхнээ хийж, хэцүү бэрхийг талархалтай угтана гэсэн үг юм. Тэвчээр гэдэг бол зүгээр нэг тэвчихийг хэлж байгаа бус, харин дажгүй давахыг хэлдэг!” (“Тэвчээрт үргэлжлүүл,” 2010 оны 4-р сарын Ерөнхий чуулган, 67“).

Үз:

“Come What May, and Love It” видеог https://churchofjesuschrist.org/study/video/self-reliance-videos [3:31]-оос үзэх боломжтой.

3:34

Ярилц:

Энэ видеоноос та ямар зөвлөгөөг амьдралдаа хэрэгжүүлж чадах вэ?

4. Өөрчлөгдөх хувийн зорилго тавих

Унш:

Энэ цуврал хичээлийн турш амьдралдаа өөрчлөлт гаргахад туслах ур чадваруудыг та сурсан. Та эдгээр чадвараар дадлага хийх зорилго тавьж, үүн дээрээ ажиллаж, тайлагнасан. Ерөнхийлөгч М.Рассэлл Баллард ийн заажээ. “Хүрэх боломжтой богино хугацааны зорилго тавь. Сайн тэнцвэртэй зорилгуудыг тавь. Тэдгээр нь хэт олон эсвэл хэт цөөхөн мөн хэт өндөр эсвэл хэт доогуур байж болохгүй. Хүрч болох зорилгоо бич, ач холбогдлынх нь дагуу эрэмбэлэн, тэдгээр дээр ажилла. Зорилго тавихдаа бурханлаг удирдамж авахын төлөө залбир” (“Keeping Life’s Demands in Balance,” Ensign, May 1987, 14).

Ерөнхийлөгч Хибэр Ж.Грант “Бидний хийж дадсан зүйл бидэнд хийхэд амархан болдог нь уг зүйлийн чанар өөрчлөгдсөнийх бус, харин үүнийг хийх бидний хүч чадал нэмэгдсэний улмаас юм” гэж байнга хэлдэг байсан (зохиолч ба эх сурвалж мэдэгдэхгүй).

Унш:

“Амьдрал дахь бидний ажил бусдын өмнө гарах явдал биш, харин өөрсдийнхөө өмнө гарах явдал юм. Өөрсдийн дээд амжилтыг эвдэж, өчигдрөө өнөөдрөөр дийлж, зовлон бэрхшээлээ хэзээ ч төсөөлж байгаагүйгээрээ дажгүй сайн үүрч, урьд өмнө өгч байгаагүйгээрээ өгч, ажлаа урьд урьдынхаас илүү хүчтэй, сайн дуусгах нь жинхэнэ зорилго юм” (Thomas S. Monson, “The Lighthouse of the Lord: A Message to the Youth of the Church,” Ensign, Feb. 2001, 5).

Ярилц:

Зорилго тавих нь хэрхэн Бурханы бидэнд зориулсан төлөвлөгөөний нэг хэсэг болдог вэ?

5. Аврагчаар дамжуулан тусламж эрэлхийлэх

Унш:

Тэд Р.Каллистэр ах Их Эзэний талаар ийн заажээ.

“Аврагчийн Цагаатгал бидэнд үхлийн оронд амьдралыг, ‘үнсний оронд гоёл чимгийг,’ өвдөлтийн оронд эдгэрлийг, сул дорой байдлын оронд төгс төгөлдөр байдлыг өгдөг. Энэ бол энэ дэлхийн саад бэрхшээл, зовлон зүдгүүрийг даван гарахад туслах тэнгэрлэг ерөндөг юм.

Мөнх бус амьдралынхаа сүүлийн долоо хоногт Аврагч ‘Ертөнцөд та нар зовлонтой байна. Гэвч зоригтой байгтун. Би ертөнцийг ялсан’ [Иохан 16:33] гэж айлдсан. Аврагч Өөрийн Цагаатгалыг гүйцэлдүүлсэн учраас Бурханы зарлигуудыг дагасан нөхцөлд өргөмжлөлд хүрэхэд саад болох ямар ч нүгэл, үхэл, салалт гэх мэт гаднын хүчин зүйл, үйл явдал, хүн гэж үгүй. Энэхүү мэдлэгийнхээ ачаар, бид Бурхан энэхүү тэнгэрлэг аяллын маань туршид бидэнтэй хамт байна гэдэгт баярлан, бат итгэлтэй урагшилж чадна” (“Есүс Христийн Цагаатгал,” 2019 оны 4-р сарын Ерөнхий чуулган, 87).

Их Эзэн биднийг тайвшруулж мөн дэмжихийг хүсдэг. Тэр “Чи даруу бай; тэгвэл чиний Бурхан Их Эзэн чамайг гараас чинь хөтөлж мөн залбирлуудад чинь чамд хариу өгөх болно” (Сургаал ба Гэрээ) хэмээн амласан. Тэнгэрлэг тусламж эрэлхийлж болох цөөн хэдэн арга замыг дурдвал:

  • Өөрийгөө болон бусдыг уучил.

  • Итгэлтэй, даруу байж, талархалтайгаар залбир.

  • Судруудад болон амьд бошиглогчдын үгэн дээр найрла.

  • Ариун сүм рүү яв.

  • Хүндэтгэлийн өдрийг мөн үүнийг ариунаар сахихаа сана.

  • Ариун ёслолоос хүртэж, Аврагчийг үргэлжид сана.

  • Асуух зүйлтэй байж, асуух нь илчлэлт хүлээн авахын чухал хэсэг гэдгийг ойлго.

  • Аврагч зорилгодоо хүрэхэд тань туслахыг хүсдэг гэдгийг сана.

Ярилц:

Энэ цуврал хичээлийн үед Их Эзэн таныг хэрхэн хүчирхэгжүүлсэн бэ?

6. Бусдаас тусламж эрэлхийлэх

Унш:

Бурхан биднийг өөрсдийн зовлон бэрхшээлийг ганцаар туулаасай гэж хүсдэггүй. Тэрээр үргэлж бусдаар дамжуулан бидний хэрэгцээг хангадаг. Зовлон бэрхшээлтэй үед минь Бурхан бидэнд тусалж, биднийг дэмжих хүмүүсийг амьдралд маань оруулах болно. Бид дараах хүмүүсээс тусламж хүсэж болно.

  • Гэр бүлийнхэн, итгэл хүлээсэн найз нөхөд

  • Сүмийн удирдагчид ба тохинуулагч ах, эгч нар

  • Орон нутгийн эх сурвалж

  • Мэргэжлийн хүмүүс

Ярилц:

Энэ цуврал хичээлийн үеэр бусад хүн танд хэрхэн тусалсан бэ?

Мэргэжлийн хүний тусламжийг эрэлхийлэх

Унш:

Мэргэжлийн хүний туслалцааг эрэлхийлэх эсэхээ мэдэхэд хэцүү. Дараах нөхцөл байдал нь мэргэжлийн туслалцаа хэрэгтэй байгааг илэрхийлж болох сэрэмжлүүлэх дохио юм.

  • Та уур, гуниг, айдас, сэтгэлийн өвчин, эсвэл найдваргүй гэсэн мэдрэмжийг байнга мэдэрдэг. Таны юу хийхээс үл хамааран эдгээр мэдрэмж салахгүй байгаа бөгөөд заримдаа оюун санаа, бие махбодыг тамирдуулдаг.

  • Уг мэдрэмж заримдаа гарч ирж, үе үе алга болдог, гэхдээ энэ асуудал олон сар үргэлжилж байгаа.

  • Таны бие махбод сулбайж, хоолны дуршил, унтах хэв маяг өөрчлөгдөнө.

  • Та санаа зовох, сэтгэл түгших мэдрэмжээ хянаж чаддаггүй.

  • Та өөртөө эсвэл бусдад хор учруулах тухай боддог.

  • Өдрөөс өдөрт таны биеэ авч явах чадвар нөлөөнд автаж, гарах үр дүн нь хязгаарлагдана.

Та эдгээр сэрэмжлүүлгийн зарим тэмдгийг мэдэрч байгаа бөгөөд эрүүл мэндийнхээ талаар санаа зовж байгаа бол мэргэжлийн эмч юм уу итгэж найддаг хүнтэйгээ ярилцаарай.

Тайлбар: Энэ бүлгийн төгсгөл дэх “Эх сурвалж” хэсэгт эрүүл мэндийн зөв мэргэжилтнийг олох талаарх нэмэлт мэдээлэл бий.

7. Дүгнэлт

Унш:

Энэ цуврал хичээлийг дуусгасанд баяр хүргэе! Бидний ярилцсан олон зүйлийг 10 долоо хоногт биелүүлэх боломжгүй. Гэхдээ сэтгэлийн тэнхээтэй байж, сэтгэл хөдлөлөө илүү тогтвортой байлгахад туслах зарим дадлыг хөгжүүлсэн гэж найдаж байна. Эдгээр зарчим, ур чадварыг санаж мөн дадлага хийхийн тулд энэ гарын авлагын бүлгүүдийг эргэн үзэж байгаарай.

Ярилц:

Бүлгээрээ энэ цуврал хичээлийн талаарх сэтгэгдлээ сайн дураараа хуваалц. Өөрийн сурсан хамгийн тустай ур чадвар, мэдэрсэн сүнслэг туршлага, өөрчлөгдсөн арга замуудыг эсвэл энэ цуврал хичээлийн үед Их Эзэн таныг хэрхэн адисалсан талаар хуваалцахыг бодно уу.

Унш:

Энэ цуврал хичээлийг дуусгасны дараа зарим бүлэг хамтдаа арай цөөн удаа үргэлжлүүлэн уулзахаар сонгодог. Зарим хүн хамтдаа байнга суралцаж, нэг нэгнээ дэмжиж мөн саад бэрхшээлийг даван туулахаар ажиллахын үнэ цэнийг олж хардаг. Бусад зарим хүн урамшуулсан, сэтгэл өргөсөн өгүүлэл, видео бичлэг зэргийг бичвэр мессеж эсвэл олон нийтийн мэдээллийн хэрэгсэл зэргийг ашиглан хуваалцдаг.

Ярилц:

Та нар хоорондоо холбоо харилцаатай баймаар байгаа эсэхээ бүлгээрээ ярилцаарай. Хэрэв тийм бол та нар үүнийг яаж хиймээр байна вэ?