Sa Inyo, Aking Diyos, Lumalapit

Marahan

1. Sa Inyo, aking Diyos,
Lumalapit!
Kahit na buhay ko’y
May pasakit.
Patuloy ang awit
Habang papalapit;
Sa Inyo, aking Diyos,
Lumalapit.

2. Katulad ng Isang
Manlalakbay,
Kadiliman dito
Ang karamay.
Sa ’king panaginip,
Sa Inyo’y lalapit;
Sa Inyo, aking Diyos,
Lumalapit!

3. Landas tungong langit,
Sana’y kamtin
Sa awa ang lahat,
O Diyos namin.
Sa tulong ng langit,
Sa Inyo’y lalapit;
Sa Inyo, aking Diyos,
Lumalapit.

4. At sa paggising ko’y
Magpupuri,
Alay ang buhay ko,
Kahit sawi.
Sa ’kin mang pighati,
Langit N’yo ang mithi;
Sa Inyo, aking Diyos,
Lumalapit.

5. Kung buhay sa mundo’y
Magwawakas,
At tungo sa Inyo’ng
Aking landas,
Patuloy na ako
Sa Inyo’y aawit;
Sa Inyo, aking Diyos,
Lumalapit.

Titik: Sarah F. Adams, 1805–1848

Himig: Lowell Mason, 1792–1872