Wase 11

Sa Temaki o Jisu

Jesus goes into the wilderness to be with God - ch.11-1

E a lako o Jisu ki na lekutu me laki tiko vata kei na Kalou. Sa veivosaki na iVakabula vata kei na Kalou. Sa sega ni kania e dua na ka me 40 na siga baleta ni a lolo tiko o Koya.

Maciu 4: 1–2 (raica na ivakamacala e botona 1b kei na 2c); Luke 4: 1–2 (raica na ivakamacala e botona 2a)

Jesus is tempted by the devil to change rocks into bread - ch.11-2

Sa qai lako mai na tevoro ka temaki Jisu me vakadinadinataka kina o Jisu ni sa Luve ni Kalou. iMatai, a kaya vei Jisu me vukica na vatu me madrai. Sa viakana o Jisu, ia sa kila tu o Koya me na vakayagataka ga na Nona kaukauwa me vukei ira kina na tamata. Sa sega ni vakamuria na ka e kaya na tevoro.

Maciu 4:2 –4; Jisu na Karisito 128–29

Jesus is taken to a high place on the temple - ch.11-3

E tarava na nona sa kauti Jisu na Yalo Tabu ki na dua na vanua cecere ena valetabu. Sa temaki Jisu na tevoro ena ikarua ni gauna, o ya me lade o Jisu mai na dela ni valetabu. E kaya na tevoro kevaka sa Luve ni Kalou o Jisu, era na taqomaki Koya na agilosi. A sega ni lade o Jisu. E kila o Koya ni sa ka cala me vakayagataka na Nona kaukauwa vakalou ena sala oqo.

Maciu 4: 5–7 (raica na ivakamacala e botona 5a kei na 6a)

Jesus is taken to a high mountain - ch.11-4

Sa qai kauti Jisu na Yalo Tabu ki na dela ni ulunivanua. Sa qai vakaraitaka vei Jisu na veimatanitu kecega kei na iyau ni vuravura. Sa qai tukuna na tevoro vei Jisu ni sa rawa me nona na veika kecega oqo kevaka me na vakarorogo vua. Sa kaya o Jisu ni na talairawarawa ga vua na Tamana Vakalomalagi. A qai tukuna vua na tevoro me lako tani. A sa lako na tevoro. A ra sa lako mai na agilosi ka vosa vakalougatataki Jisu. Sa vakarau o Jisu me tekivutaka na Nona cakacaka.

Maciu 4: 8–11 (raica na ivakamacala e botona 8a kei na 9a)