Wase 15
Na Yalewa ena iKeli -wai
Sa biuti Jerusalemi mai o Jisu me lako i Kalili. E a lako takosovi Samaria yani ka yaco ena dua na ikeli-wai.
Sa wale o Jisu, ka laki vakacegu sara ena bati ni ikeli-wai. A lako mai e dua na yalewa ni Samaria me mai taki wai. A mani kerea vua o Jisu me solia e dua na mena wai.
Me vaka ni ra sega ni dau veivosaki na Jiu kei ira na kai Samaria, sa kurabui sara kina na yalewa oqo.
A kaya o Jisu vua na yalewa ni sa rawa me solia vua e dua na wai me gunuva me kakua ni viagunu tale. A tukuna o Jisu ni sai Koya na iVakabula. Na wai me na solia vua o ya na “wai bula” ni bula tawamudu.
Sa qai lako na yalewa ki na korolevu ka laki tukuni Jisu vei ira na lewevuqa. Era sa qai lako mai ki na ikeli-wai ka rogoci Jisu kina. E vuqa vei ira era sa vakabauta na Nona vosa.