Wase 4
O Josefa kei na Agilosi
E dua na turaga vinaka ka dauloloma o Josefa. Ka sa na vakarau vakamau vata kei Meri. Ena gauna sa kila kina ni na vakasucuma o Meri e dua na gone, sa sega ni kila na ka me cakava. Me baleta ga ni gone o ya e sega ni luvena, sa nanuma o koya me sa kakua ni vakamautaki Meri.
Ena dua na bogi a rairai mai e dua na agilosi vei Josefa ena tadra ka tukuna vua ni luvei Meri sa Luvena na Kalou. A kaya na agilosi vei Josefa me vakamautaki Meri ka vakatoka na gone me yacana o Jisu. Ni o Jisu sai koya na iVakabula kei vuravura.
A qai vakamuria o Josefa na vosa ni agilosi ka vakamautaki Meri.