Wase 52
Na Veilewai nei Jisu
O ira na iliuliu ni Jiu era sa qai tala yani na nodra tamata era vakaisele ka tauri kau ki na Were o Kecisemani.
Sa maliwai ira o Jutasa Isikarioti Era sa qai saumi Jutasa o ira na bete levu me vakaraitaka na vanua sa tiko kina o Jisu.
Sa vakatakilai Jisu o Jutasa vei ira na tamata ni sa reguci Koya. Era sa qai kauti Jisu yani na tamata. Era sa qai vosacataka ka robaki Koya. Era sa qai kauti Jisu vei Kaiafa, na bete levu.
E a sa qai taroga na iliuliu ni Jiu eso na taro vei Jisu. Era sa kaya ni sa voroka o Koya na lawa ni tukuna ni o Koya na Luve ni Kalou. Sa qai kaya o Jisu vei ira ni sa Luve ni Kalou. Era kaya ni sa cala o Jisu ka dodonu me mate.
Sa sega vei ira na iliuliu ni Jiu na dodonu me ra vakamatei Jisu. Era sa qai kauti Koya vei Pailato, ni sa rawa vua me lewa na mate i Jisu. Sa qai kaya o ira na iliuliu ni Jiu vei Pailato ni sa vakavulica tiko o Jisu vei ira na tamata me ra kakua ni muria na lawa vaka-Roma.
Sa nanuma o Pailato ni sa sega ni cakava o Jisu e dua na cala. Sa vinakata o Pailato me sa sereki o Jisu. Era sa vinakata na tamata me vakoti ena kauveilatai o Jisu.
Sa vinakata tikoga o Pailato me sereki Jisu me lako. Ia o ira na bete kei ira na tamata era sa kailavaka tikoga mai me lauvako ena kauveilatai o Jisu.
Sa vuya na ligana o Pailato. A kaya kina ni sa sega ni cala ena vuku ni mate nei Jisu. Era sa kaya na tamata me sa bale ga vei ira na mate nei Jisu. Sa qai kaya o Pailato vei ira na sotia me ra vakoti Jisu ena kauveilatai.