Wase 26
Veivosoti Vua e Dua na Yalewa o Jisu
E dua na Farisi a sureta na iVakabula me gole ki nona vale me laki vakayakavi vata kei koya.
E tiko ena korolevu o ya e dua na yalewa e levu na nona ivalavala ca. E kila na yalewa oqo ni tiko ena vale nei koya na Farisi o Jisu. E vinakata na yalewa oqo me cakava vei Jisu e dua na ka vinaka sara.
A tekiduru o koya ka savata na yavana na iVakabula ena wai ni matana. E a qai vakamamacataka na yavana na iVakabula ena drau ni uluna ka reguca. A qai lumuta talega ena waiwai boi vinaka sara. E kila vinaka tu na Farisi oqo ni yalewa oqo e cakava e levu na ivalavala ca. E nanuma o koya ni sega ni dodonu vei Jisu me vakatara vua na yalewa oqo me tarai Koya.
E kila vinaka o Jisu na veika e nanuma tiko o koya na Farisi. A qai kaya vua na Farisi ni yalewa oqo sa mai cakava Vua eso na ka vinaka e levu cake mai na kena e cakava o koya. Na Farisi oqo a sega ni solia e dua na wai me vuya kina o Jisu na Yavana se waiwai me lumuta kina na Uluna, ni dau vakayacori oqo vei ira na vulagi.
A kaya o Jisu vua na Farisi ni sa vosoti na ivalavala ca nei koya na yalewa baleta ni lomana na iVakabula ka vakabauti Koya. Sa qai tukuna o Jisu vua na yalewa me lako ena vakacegu.
Luke 7: 47–50; Vunau kei na Veiyalayalati 58: 42–43; O Jisu na Karisito 262–63