Wase 25

Tara na Bele ni iSulu nei Jisu e Dua na Yalewa

E dua na yalewa sa yabaki 12 na nona tauvimate tu. Sa vuqa sara na vuniwai sa raica oti, ia era sega ni vakabulai koya rawa.

Marika 5: 25–26

Ena dua na siga a raici Jisu ni ra sa lako yani vua e vuqa na tamata. E vakabauta o koya ni na vakabulai ke tara mada ga na isulu i Jisu. A sa curuma yani na kedra maliwa na tamata ka tara na isulu i Jisu.

Maciu 9: 20–22; Marika 5: 27–28

Sa vakabulai sara ena gauna ga o ya. A rai vuki mai o Jisu ka taroga, “O cei sa tara na noqu isulu?”

Marika 5: 29–30

Sa rere na yalewa oqo. Sa qai tekiduru o koya e matana na iVakabula ka kaya ni sa tarai Koya. E tukuna vua o Jisu ni nona vakabauti Koya sa vakabulai kina.

Marika 5: 33– 34