Wase 28
Vakania o Jisu na Lima na Udolu
Eso na itokani i Joni na Dauveipapitaiso era tukuna vei Jisu ni sa vakamatei Joni na tui.
Ni sa rogoca o Jisu, sa gole yani ki na dua na vanua volekata na Wasawasa e Kalili me tiko duadua kina. E vuqa era sa kila na vanua e tiko kina o Koya. E sivia e lima na udolu era sa muri Koya e kea ni ra nanuma me na vakavulici ira o Koya.
Sa vakavulica o Jisu e vuqa na ka vei ira. Sa gauna me ra sa kana kina, ia e vuqa vei ira na tamata e sega na kedra kakana. Eratou kaya na tisaipeli vei Jisu me ra lako na tamata ka laki voli kakana ki na so na koro voleka e kea.
Sa kaya o Jisu vei iratou na tisaipeli me ra raica mada e dua e kauta tiko mai e dua na kakana. Eratou sa kauta mai e dua na gone a tiko vua e lima na buli madrai ka rua na ika lalai.
Sa kaya vei ira o Jisu me ra dabe sobu. Sa qai masulaka na madrai kei na ika ka dovia.
Era sa qai veisoliyaka na tisaipeli na kakana vei ira na tamata. Era sa kana ka mamau kece sara.