Wase 61

O Paula kei Sailasa e Valeniveivesu

E dua na goneyalewa e tiko vua e dua na yalo velavela. Era sa via rogoca na tamata na veika sa tukuna mai vua na tevoro. Era sauma na tamata e cakacaka tiko kina o goneyalewa me ra rogoca ni vosa mai vua na tevoro.

Cakacaka 16:16

Ena gauna e dau lako takoso mai kea o Paula kei Sailasa, e dau muri rau na goneyalewa oqo ka dau vosa sara mai na tevoro oqo. E dua na siga sa qai vakarota o Paula na tevoro oqo me biuta na goneyalewa. Sa yaco vakakina. Era a cudru kina o ira na tagane e cakacaka tiko vei ira o goneyalewa. Ni sa sega tale ni ra rawa ilavo kina.

Cakacaka 16:17–19

Era sa qai kauti Paula kei Sailasa o ira na tagane kivei ira na iliuliu ni nodra koro levu. Era kaya ni rau vakatubura tiko na ca o Paula kei Sailasa.

Cakacaka 16:19–22

Rau sa qai vakanakuitataki o Paula kei Sailasa ka bala e valeniveivesu ena nodra lewa na iliuliu.

Cakacaka 16:22–24

Ena bogi o ya rau sa masu ka lagasere ni lotu o Paula kei Sailasa vua na Tamada Vakalomalagi. Era sa rogoci rau o ira kece era tiko ena valeniveivesu Sa qai yavavala mai vakasauri na qele. Ka tadola na katuba ni valeniveivesu.

Cakacaka 16:25–26

Sa yadra cake mai na ivakatawa ni valeniveivesu ka raica ni sa tadola na katuba. Sa nanuma ni ra sa dro na vesu tiko. Sa kaya o Paula vua me vakacegu ga. Era se tiko kecega na kaivesu. Sa tekiduru na ivakatawa ni valeniveivesu vei Pita kei Sailasa ka taroga me na vakabulai vakacava.

Cakacaka 16:27–30

Sa qai laki vakatavulica o Paula kei Sailasa na kosipeli vei koya na ivakatawa ni valeniveivesu kei na nona matavuvale. Ena bogi o ya eratou sa papitaiso kina na ivakatawa ni valeniveivesu kei na nona matavuvale.

Cakacaka 16:31–33

Ena siga tarava era sa sereki Paula kei Sailasa na iliuliu. Rau sa lako o Paula kei Sailasa ki na dua tale na koro levu me rau laki kaulotu kina.

Cakacaka 16:35–40