Wase 8

O Eroti Na Tui Ca

Eratou a kaya na Tamata Vuku vei Eroti ni sa na Tui o Jisu. A vinakata o Eroti me tui duadua ga o koya. A qai kaya vei ira na nona sotia me ra vakamatea na gone kecega sa qai sucu e Peceliema kei na veivanua volekata.

Maciu 2: 3, 13, 16

A kaya e dua na agilosi vei Josefa me kauti Meri kei Jisu ki Ijipita, a dua na matanitu e yawa mai Peceliema. Ena sega ni laki vakasaqarai Jisu e kea o Eroti.

Maciu 2: 13

A vakamuria o Josefa. A tiko o koya vata kei Meri kei Jisu e Ijipita ena gauna era a vakamatei ira kina na gonelalai e Peceliema o ira na sotia i Eroti.

Maciu 2: 14, 16

Ni sa mate o Eroti na Tui, sa qai tukuna na agilosi vei Josefa me kauti Jisu kei Meri ki na nodratou vanua. A tu o Josefa ka kauti iratou ki Nasareci, na vanua ka laki taqomaki kina o Jisu.

Maciu 2: 19–21, 23