Wase 37
Na Lewe Tini Tauvi Vukavuka
A lako o Jisu ki na dua na koro lailai ka raica kina e lewe tini na tauvi vukavuka. Era tamata tauvimate o ira na tauvi vukavuka. E tauvi ira tu na mataqali bo lelevu ena yagodra taucoko.
E sega ni vakabulai ira rawa na vuniwai. Era rerevaka na tamata me ra toro volekati ira. Era sega ni vinakata me ra tauvimate talega.
Eratou sa kerei Jisu na tauvi vukavuka me vakabulai iratou. Eratou kila ni rawa ni kauta laivi na nodratou bo lelevu.
A gadreva o Jisu me ratou bula vinaka. A kaya me ratou laki vakaraitaki iratou vei ira na bete.
Ni ra sa lako tiko vei ira na bete, eratou sa vakabulai sara. Sa takali na nodratou bo lelevu.
E dua vei iratou na vukavuka e kila ni sa vakabulai iratou o Jisu. A lesu tale me laki vakavinavinakataki Koya. Sa taroga o Jisu sa evei o iratou na vo ni ciwa na tamata vukavuka. Era a sega tale ni lesu mai. A kaya o Jisu vua na tamata vukavuka sa mai vakavinavinaka Vua ni nona vakabauta sa vakabulai koya.