Wase 6

Na Veivakacabori ena Valetabu

Ena gauna se qai macawa vica toka ga kina o Jisu, rau a kauti Koya yani na Nona itubutubu ki Jerusalemi me laki vakacabori ena valetabu.

Luke 2:22

E a tiko ena valetabu o Simioni, e dua na turaga yalododonu e Jerusalemi. A kaya vua na Yalo Tabu ni na raica o koya na Karisito ni bera ni mate.

Luke 2: 25–26

A qai raica o Simioni ena valetabu na gonelailai o Jisu. A roqoti Koya e ligana ka vakacaucautaka na Kalou.

Luke 2: 27–29

A kaya o Simioni ni na kauta mai na gone oqo na veivakabulai vei ira na tamata kecega. Rau a kurabui sara o Josefa kei Meri ena ka a tukuna o koya.

Luke 2: 30–33

E dua talega na yada o Ana a raici Jisu ka kilai Koya. A vakavinavinaka o koya ka tukuna vei ira e vuqa na tamata me baleti Jisu.

Luke 2: 36–38