Wase 56
Vakabula e Dua na Tamata o Pita
E dua na tamata e sega ni lako rawa tu sa dau kau tiko ki na valetabu ena veisiga. E dau dabe e mata ni katuba ni valetabu ka kere ilavo. E dua na siga sa raici Pita kei Joni ni rau sa vakarau curu ena katuba ni valetabu.
Sa kerea eso na ilavo vei Pita kei Joni. A kaya o Pita vua ni sega vei rau na ilavo. Sa qai kaya o Pita ni na solia vua na tamata oqo e dua tale na ka.
Sa qai masulaka na tamata oqo o Pita ena yaca i Jisu Karisito ka vakabulai koya. Sa qai vukea me tucake o koya na tamata oqo.
Sa qai lako rawa na tamata oqo ena imatai ni gauna ni nona bula. E lewe levu era sa raica ni sa lako voli ka ladelade na tamata oqo. Era kila ni sa dua na cakamana oqo. Era sa kila ni sa tiko vei Pita na kaukauwa ni Kalou. Sa tukuna vei ira o Pita ni sa solia vua o Jisu Karisito na kaukauwa me vakabula kina na tamata o ya. E tamata daukaulotu dina o Pita. A vukea e lewelevu me ra vakabauta ka muri Jisu Karisito.