Wase 62
Talairawarawa o Paula ki Vua na Yalo Tabu
Sa kaya na Yalo Tabu vei Paula na iApositolo me lako ki Jerusalemi. Sa kaya na Yalo Tabu ni na biu o Paula ki valeniveivesu. E sega ni rere o Paula. E lomana o koya na iVakabula ka cakava na veika sa tukuna vua na Yalo Tabu.
Sa qai vakamoce o Paula vei ira na nona itokani. Sa kaya ni na sega ni raici ira tale vakadua. Sa tukuna vei ira me ra bulataka ga na kosipeli ka muria na ivunau ni Kalou. Sa vakasalataki ira o Paula me ra kakua ni vakarorogo vei ira na tamata era via vakavulica vei ira na veivakavuvuli e sega ni dina.
A tukuna vei ira o Paula me ra veilomani ka veivukei vakaiira. Sa qai tekiduru o koya ka masu vata kei ira. Era sa qai veitagicaki. Era sa qai lako vata kei koya ki na waqa ka raica ni sa biuti Jerusalemi o Paula.