Wase 58
O Saimoni kei na Matabete
E lewelevu mai Samaria era sa rogoca ka vakabauta na kosipeli. Era sa papitaiso kina, ia sa sega vei ira na Yalo Tabu.
Rau sa lako o Pita kei Joni ki Samaria. Rau sa tabaka na uludra na tamata ka solia vei ira na isolisoli ni Yalo Tabu.
E dua na tamata na yacana o Saimoni sa raici Pita kei Joni ni rau sa solia tiko na isolisoli ni Yalo Tabu vei ira na tamata. Sa kila o Saimoni ni rau sa solia na iApositolo oqo vei ira na tamata na isolisoli ni Yalo Tabu baleta ni sa tiko vei rau na matabete. Sa vinakata talega o koya na matabete.
Sa vinakata me volia mai vei Pita kei Joni na matabete. Sa qai kaya o Pita vei Saimoni ni sega ni dau volitaki na matabete. E soli ga vei ira na tagane era ivalavala dodonu. Sa kila kina o Pita ni o Saimoni e sega ni ivalavala dodonu. Sa qai tukuna vua me veivutuni.