iTalanoa ni iVolanikalou
Veivanua me Kilai

Veivanua me Kilai

(Na naba era kovuti tiko sai koya na wase e tukuna na veika a yaco ena veivanua oqo.)

Mape 1. Na Vanua Tabu ena Gauna ni Veiyalayalati Vou

  1. Tamasiko A lako tiko o Paula ki na koro levu oqo ena gauna a rairai mai vua o Jisu ka tukuna vua me veivutuni. (59)

  2. Sisaria Filipai Oqo na vanua a vakadinadinataka kina o Jisu na Nona mate kei na Tucaketale, ka vakadinadinataka o Pita ni o Jisu na Luve ni Kalou (32)

  3. Kalili Eke a vakayagataka kina o Jisu e levu na nona gauna me vakavulica kina na kosipeli ka vakabulai ira na mate. (19–20, 34, 36)

  4. Kapenaumi E vuqa na cakamana a vakayacora o Jisu ena koro levu oqo. (23–25, 30)

  5. Wasawasa e Kalili A vakavulica o Jisu na kosipeli ki na lewe vuqa na tamata volekata na vanua oqo. A vakamaravutaka o Jisu na cagi kaukauwa ka taubale e dela ni wai ni Wasawasa e Kalili (18, 21, 29)

  6. Kena Eke a vukica o Jisu na wai me waini ena dua na soqo ni vakamau. A lako mai eke e dua na tamata me kerea vei Jisu me laki vakabula na luvena tagane e tauvimate. (12, 16)

  7. Nasareci A tubu cake o Jisu ena koro levu oqo. (2, 4, 9, 17)

  8. Samaria Ena vanua oqo a vakavulica kina o Jisu e dua na yalewa me baleta na wai ni bula ena dua na ikeli-wai. E vuqa na Jiu era cati ira na kai Samaria. (15, 58)

  9. Uciwai o Joritani A papitaisotaki Jisu Karisito o Joni na Dauveipapitaiso ena uciwai oqo. (10)

  10. Jopa Eke a vakabulai Tapaica mai na mate o Pita. (60)

  11. Jeriko Ena vosa vakatautauvata ni kai Samaria dauloloma, a voleka ni vakamatei eke e dua na tamata ni lako tiko e gaunisala. (35)

  12. Jerusalemi Ena koro levu oqo eratou a dauveivakavulici kina vakalevu o Jisu kei iratou na Nona iApositolo. Eke na vanua a mate ka tucaketale mai kina o Jisu. (6, 39–40, 44–57, 63) Raica na Mape e rua tale na ikuri ni italanoa e Jerusalemi

  13. Pecani O Lasarusa, ka a vakabula o Jisu mai na mate, a vakatikotiko eke vata kei rau o Meri kei Marica na ganena. (43)

  14. Peceliema A sucu eke o Jisu Karisito. (5, 7)

map 1

Wasa Veimama

Wasawasa Mate

Tamasiko

Sisaria Filipai

KALILI

Kapenaumi

Wasawasa e Kalili

Kena

Nasareci

SAMARIA

Uciwai na Joritani

Jopa

Jeriko

Jerusalemi

Pecani

Peceliema

Mape 2. O Jerusalemi ena Gauna i Jisu

  1. Kolikoca Oqo beka na vanua a mate kina ena kauveilatai o Jisu Karisito. (53)

  2. iBulubulu ena Were Oqo beka na vanua a laki bulu kina o Jisu Karisito, a tucake tale mai na mate, ka vosa vei Meri na yalewa ni Makitala. (53, 54)

  3. Na iSilisili e Peceseita Eke a vakabula kina o Jisu e dua na tamata ena Siga ni Vakacecegu. (27)

  4. Valetabu Oqo na vanua a yalataka kina o Keperieli na agilosi vei Sakaraia ni na dua na luvena tagane, o ya o Joni na Dauveipapitaiso. A veivakavulici o Jisu ena valetabu oqo. A vakatalai ira tani na tamata mai na valetabu era a volitaki manumanu tiko me isorokama. (1, 6, 9, 11, 13, 45, 56)

  5. Were o Kecisemani Ena were oqo a masu kina o Jisu, vakararawataki ena vuku ni noda ivalavala ca, soli Koya yani o Jutasa Isikarioti, ka a vesu talega kina. (51, 52)

  6. Ulunivanua ni Veiolive A vakavulica eke o Jisu na veika e baleta na iKarua ni Nona Lesumai. (46)

  7. Vale nei Kaiafa Oqo beka na vanua era a veilewaitaki Jisu kina o ira na iliuliu ni Jiu, ka ra beitaki Koya ni voroka na lawa. (52)

  8. Taba ni Vale e Cake E rairai koya na vanua oqo e ratou a Kana Vata ni Lako Sivia kina o Jisu kei iratou na Nona iApositolo. A vakavulica o Jisu vei iratou na Nona iApositolo na veika baleta na sakaramede ni vakarau gole ki na Were o Kecisemani. (49, 50)

map 2

Kolikoca

iBulubulu ena Were

iSilisili e Peceseita

Valetabu

Were o Kecisemani

Ulunivanua ni Veiolive

Vale nei Kaiafa

Taba ni Vale e Cake