Wase 33
Sa Rairai Mai ena Lagilagi: Na Veivakamataliataki
Sa kauti iratou o Pita, Jemesa, kei Joni o Jisu ki na dela ni ulunivanua me laki masu.
Ni sa masu o Jisu, sa serauni Koya na lagilagi ni Kalou. E rarama vaka na matanisiga na matana. Rau sa rairai mai Vua e rua na parofita ni Veiyalayalati Makawa o Mosese kei Ilaisa. Rau sa tukuna ni na mate o Koya ka na tucaketale.
Maciu 17:2–3; Marika 9:3–4; Luke 9:29–31 (raica na ivakamacala e botona 31a)
Ni sa masu tiko o Jisu era sa moce ga na iApositolo.
Ni ra yadra mai, era sa raica na lagilagi i Jisu Karisito, Mosese, kei Ilaisa. Era rogoca na domo i Tamada Vakalomalagi ni kaya, “Oqo na noqu Gone ni toko, au sa dau vinakata vakalevu; dou vakarogoci koya.”
Eratou sa rere na iApositolo ka davo sobu ki na qele. Sa tarai iratou o Jisu ka kaya me ratou kakua ni rere. Ni ratou sa rai cake, erau sa yali na italai vakalomalagi. E kaya o Jisu vei iratou na iApositolo me ratou kakua ni tukuna na veika eratou sa raica me yacova ni sa mate oti ka tucaketale o Koya.