Na iMatai ni Vosa Vakatautauvata
Na Sipi a Yali
E dua na ivakatawa vinaka ni sipi e 100 na nona sipi. A qai yali e dua.
A qai biuti ira na 99 na sipi ka laki vakasaqara na sipi a yali. Ni sa kunea, sa marau sara kina vakalevu.
Sa kauta ki vale na sipi o ya. Sa kacivi ira mai na nona itokani kei na wekana me ra mai marautaka vata. Sa qai kunea tale na sipi a yali.
Sa tukuna o Jisu vei ira na Farisi na ibalebale ni vosa vakatautauvata. E tukuna ni o ira na ivalavala ca era sa vaka na sipi e yali.
Me vakataka ga na ivakatawa a gadreva me vakabula na sipi sa yali, sa gadreva vakakina o Jisu me vakabulai ira sa ivalavala ca.
E tukuna o Jisu ni o ya na vuna a vosa tiko kina vei ira sa ivalavala ca.
Maciu 18:11 (raica na ivakamacala e botona11c); Marika 2:17
Me vaka ga ni a marau vakalevu na ivakatawa ni sa kunea na sipi a yali, sa marau vakalevu kina o Jisu ni da sa veivutuni.