1. Mósebók 27–33

Jakob og fjölskylda hans

Þannig heldur Drottinn loforð sín

Jakob gengur með asna

Jakob yfirgaf heimili sitt til að komast frá reiðum bróður sínum, Esaú. Faðir Jakobs veitti honum þá blessun að finna og giftast konu sem elskaði Drottin og hélt boðorð hans.

1. Mósebók 27:42–46; 28:1–5

Jesús Kristur birtist Jakob

Þegar Jakob var á ferðalagi birtist Drottinn honum í sýn. Hann lofaði að vera ávallt með Jakob. Jakob lofaði að gefa Drottni tíund af öllu sem hann öðlaðist.

1. Mósebók 28:10–16, 20–22

Jesús Kristur talar við Jakob

Drottinn lofaði Jakob að hann myndi eignast mörg börn. Vegna barna Jakobs myndu fjölskyldur jarðar hafa þá blessun að þekkja frelsarann. Fjölskylda Jakobs á hinum síðari dögum er kölluð Ísraelsætt.

1. Mósebók 28:3–4, 14; 1 Nefí 10:14

Jakob og Rakel

Jakob ferðaðist til lands sem hét Harran. Þar varð hann ástfanginn af réttlátri konu sem hét Rakel.

1. Mósebók 27:43; 29:9–20

Jakob vinnur á akri

Jakob samþykkti að vinna í sjö ár fyrir Laban, föður Rakelar, ef Laban leyfði honum að giftast Rakel. Laban samþykkti það. Jakob vann í sjö ár.

1. Mósebók 29:21–27

Jakob, Rakel og Lea

Laban vildi samt að Lea, elsta dóttir hans, giftist áður. Í brúðkaupinu plataði Laban Jakob og lét hann giftast Leu í stað Rakelar. En Jakob elskaði Rakel. Hann lofaði að vinna í önnur sjö ár, ef hann gæti líka gifst henni. Laban samþykkti það og fjölskyldu Jakobs tók að fjölga.

1. Mósebók 29:28–35; 30:3–13, 17–24; Jakob 2:27–30

Jakob ferðast með fjölskyldu sinni

Laban greiddi Jakob ekki sanngjörn laun. Drottinn blessaði þó Jakob með fjölda dýra og sagði Jakob að snúa aftur heim.

1. Mósebók 30:31, 43; 31:1–7, 17–18

Jakob

Á leið sinni heim komst Jakob að því að bróðir hans, Esaú, var á leið móts við hann, ásamt 400 mönnum.

1. Mósebók 32:3–6

Jakob felur fjölskyldu sína

Jakob hélt að Esaú væri sér enn reiður. Jakob var hræddur um öryggi fjölskyldu sinnar og fór því með hana á öruggan stað og baðst fyrir.

1. Mósebók 32:7–24

Jesús Kristur talar við Jakob

Jakob baðst fyrir alla nóttina og til morguns. Drottinn heimsótti Jakob og blessaði hann. Drottinn sagði Jakob að hann yrði mörgum mikill leiðtogi. Drottinn breytti nafni Jakobs í Ísrael.

1. Mósebók 32:24–30

Esaú hittir Jakob

Brátt fundu Esaú og menn hans Jakob, ásamt fjölskyldu hans. Esaú var ekki lengur reiður við Jakob. Hann hljóp til Jakobs og faðmaði hann. Hann var afar glaður að sjá hann og fjölskyldu hans. Jakob var líka glaður að sjá Esaú aftur.

1. Mósebók 33:1–7

Jakob og Esaú fylgjast með fjölskyldunni

Drottinn hélt loforð sín við Jakob ævina á enda. Jakob komst heim með fjölskyldu sinni og settist að þar. Uppfrá því var Jakob kallaður Ísrael og fjölskylda hans Ísraelsþjóð. Hann hélt áfram að halda boðorðin og tilbiðja Drottin.

1. Mósebók 33:17–20