„Rahab og njósnararnir,“ Sögur úr Gamla testamentinu (2022)
„Rahab og njósnararnir,“ Sögur úr Gamla testamentinu
Rahab og njósnararnir
Ákvörðun sem bjargar fjölskyldu
Kona að nafni Rahab átti heima í Jeríkóborg áður en hún var hertekin af Ísraelsmönnum. Hún hafði heyrt að Drottinn hefði klofið Rauðahafið fyrir Ísraelsmenn. Rahab vissi að Drottinn myndi liðsinna Ísraelsmönnum í baráttunni um borgina hennar. Fólkið í Jeríkóborg var ranglátt.
Spámaðurinn Jósúa fór fyrir hersveit Ísraelsmanna. Hann sendi tvo njósnara inn í Jeríkóborg. Komist hafði upp um njósnarana og konungur Jeríkó sendi varðmenn til að handtaka þá.
Njósnararnir komu til heimilis Rahabs. Rahab samþykkti að hjálpa njósnurunum og faldi þá því á þaki húss síns.
Menn konungs leituðu í húsi Rahabs, en fundu ekki njósnarana. Eftir að þeir fóru, bað Rahab njósnarana að vernda fjölskyldu sína þegar hersveit þeirra kæmi til að berjast um Jeríkó. Njósnararnir lofuðu Rahab að fjölskylda hennar yrði örugg. Rahab fleygði síðan reipi út um gluggann sem undankomuleið fyrir njósnarana.
Njósnararnir fóru til spámannsins Jósúa og sögðu hersveit Ísraelsmanna að skaða engan í húsi Rahabs. Þegar Ísraelsmenn hertóku síðar Jeríkó, stóðu þeir við loforð sitt við Rahab. Hugrekki Rahabs varð fjölskyldu hennar til bjargar. Fjölskylda hennar gekk til liðs við fólk Drottins.