„Spámaðurinn Jósúa,“ Sögur úr Gamla testamentinu (2022)
„Spámaðurinn Jósúa,“ Sögur úr Gamla testamentinu
5. Mósebók 10; 31; 34; Jósúabók 1; 3–6; 10–11; 21; 24
Spámaðurinn Jósúa
Lokaraun áður en farið er í fyrirheitna landið
Drottinn kallaði Jósúa sem nýjan spámann eftir að spámaðurinn Móse hafði verið hrifinn til himins. Þegar Ísraelsmenn tjölduðu nærri ánni Jórdan, sagði Drottinn þá stund upprunna að þeir skyldu fara í fyrirheitna landið.
5. Mósebók 34:1–9; Jósúabók 1:1–4; Alma 45:19
Hið fyrirheitna land var í Kanaanlandi, en þar bjó ranglátt fólk. Drottinn sagði Jósúa að hann skyldi vera sterkur og hugrakkur. Með hjálp Drottins gætu Ísraelsmenn yfirtekið Kanaanland.
Jósúa setti saman hersveit. Drottinn bauð þeim að halda á steintöflunum með boðorðunum tíu og öðrum ritningum. Prestarnir báru þessa helgu hluti í kistu sem kölluð var sáttmálsörkin. Hersveitin bjó sig síðan undir að fara yfir ána Jórdan. Áin var djúp og straumhörð.
5. Mósebók 10:5; 31:25–26; Jósúabók 1:10–11; 3:1–11
Jósúa lofaði Ísraelsmönnum að Drottinn myndi hjálpa þeim að komast yfir ána.
Jósúa bað tólf presta að taka sáttmálsörkina og ganga út í ána. Um leið og prestarnir gengu út í ána, skildist vatnið að.
Ísraelsmenn fóru yfir ána á þurru landi. Jósúa bað Ísraelsmenn að taka tólf steina af hinum þurra árbotni. Hann staflaði steinunum í hrúgu til að minna Ísraelsmenn á kraftaverk Drottins dag þennan.
Jósúa leiddi hersveit Ísraelsmanna að Kanaanlandi. Þeir komu til borgar að nafni Jeríkó. Borgin var afar öflug og umhverfis hana háir múrar. Drottinn sagði Jósúa hvernig sigra ætti Jeríkóborg. Hann bauð Ísraelsmönnum að þramma umhverfis múra Jeríkóborgar dag hvern í sex daga. Jósúa hlýddi Drottni.
Jósúa bað prestana að halda á sáttmálsörkinni í fararbroddi Ísraelsmanna. Dag hvern þrammaði hersveitin umhverfis Jeríkóborg og sjö prestar blésu í lúðra sína. Allir aðrir meðal Ísraelsmanna voru hljóðir.
Á sjöunda degi þrammaði hersveitin umhverfis Jeríkóborg sjö sinnum. Á meðan prestarnir blésu í lúðra sína, bauð Jósúa Ísraelsmönnum að hrópa. Skyndilega féllu múrar Jeríkóborgar til jarðar og Jósúa og hersveit hans yfirtóku borgina.
Drottinn hjálpaði Ísraelsmönnum, eins og hann lofaði. Hersveit Jósúa yfirtók áfram Kanaanland og Ísraelsmenn hófu dvöl sína þar. Jósúa minnti þá á kraftaverk og loforð Drottins. Hann bað Ísraelsmenn að velja að þjóna Drottni.