Lēsoni 17
Ko e Talanoa Fakatātā ʻo e Tangata Tūtuuʻí pea mo e Uité mo e Teá
Taumuʻá
Ke tokoniʻi ke mahino ki he fānaú taki taha pea fakakau ʻa e fakamatala fakafolofolá ʻi he ongo tala fakatātā naʻe fai ʻe Sīsuú.
Teuteú
-
Ako ʻi he faʻa lotu ʻa e Mātiu 13:1–9, 18–30, 37–43; Maʻake 4:14–20; Luke 8:11–15; pea mo e Tokāteline mo e Ngaahi Fuakava 86:1–7. Hili iá peá ke ako ʻa e lēsoní mo ke fili pe ʻe anga fēfē hoʻo fiemaʻu ke akoʻi ki he fānaú ʻa e ngaahi fakamatala ʻa e folofolá. (Vakai, “Teuteuʻi Hoʻo Lēsoní,” vi, pea mo e “Faiako mei he Folofolá,” viii.)
-
Laukonga ʻoku tānaki atu: Maʻake 4:1–9, Luke 8:4–8, pea mo e Tokāteline mo e Ngaahi Fuakava 101:65–66.
-
Fili ʻa e ngaahi fehuʻi ke aleaʻí pea mo e ngaahi ʻekitivitī fakatupulakí ko ia ʻe fakakau mai ki ai ʻa e fānaú mo tokoni lelei taha kia kinautolu ke nau aʻusia ʻa e taumuʻa ʻo e lēsoní.
-
Nāunau ʻoku fie maʻú:
-
Tohi Tapu pe Fuakava Foʻou ke taki taha ʻa e fānaú.
-
Ko ha laʻi pepa ke taki taha ʻa e fānaú taki taha ko ha “Pōpoaki ʻoku Fufūuʻi ʻi he Pāsoló” pe ko ha laʻi pepa lahi ʻo e meʻa ke fai ki ai ʻa e fifilí ke fai fakataha ʻe he kalasí.
Pōpoaki ʻoku fūfuuʻi ʻi he pāsoló
1
2
3
4
5
6
7
8
9
1
2
3
4
5
ʻO
K
U
T
A
U
6
7
A
K
O
8
9
1
2
3
4
5
6
7
8
9
1
2
3
4
5
M
E
I
H
E
6
7
8
9
1
2
3
4
5
6
7
8
N
G
A
A
H
I
9
1
2
3
4
5
6
7
8
9
1
2
3
4
T
A
L
A
F
A
K
A
T
Ā
T
A
Á
5
6
7
8
9
1
2
3
4
5
6
7
8
-
Fokotuʻu ki he Founga Fai ʻo e Lēsoní
Fakaafeʻi ha taha ke ne fai ʻa e fua lotú.
ʻEkitivitī ke Takiakiʻi ʻAki e Tokangá
Tufa ki he fānaú ʻa e ngaahi laʻi pepa naʻá ke ʻosi teuteú pea kole ange ke nau kumi mai ʻa e ngaahi fakamatala ʻoku fūfuuʻi ʻi he ngaahi mataʻi fiká.
Fakamatalaʻi ko e taimi naʻe akoʻi ai ʻe Sīsū ʻa e kakaí, naʻá ne faʻa akoʻi ʻaki ʻa e talanoa fakatātaá ʻa kinautolu, ʻa ia ko ha ngaahi talanoa nounou ʻoku fūfuuʻi ai ʻa e ngaahi pōpoaki fakafolofolá.
Fakamatala ʻa e folofolá pea mo e Ngaahi Fehuʻi ke Aleaʻi pea mo Fakaʻaongaʻí
Akoʻi ki he fānau ʻa e talanoa fakatātā ʻo e tangata tūtuuʻí (ko ha tangata ʻokú ne tō ʻa e ngaahi tengaʻi ʻakaú) pea mo e talanoa fakatātā ʻo e uité pea mo e teá. (Ko e fokotuʻu ki he founga akoʻi ʻo e folofolá, vakai, “Faiako mei he Folofola,” viii.) Fakamatalaʻi ko e taimi ʻoku faiakoʻaki ʻe Sīsū ʻa e ngaahi talanoa fakatātaá, ʻokú ne fakaʻaongaʻi ʻa e ngaahi meʻa ʻoku anga maheni ki ai ʻa e kakaí ʻi hono akoʻi ʻo e ngaahi pōpoaki fakalaumālié. ʻI he taimi te mou aleaʻi ai ʻa e ngaahi talanoa fakatātā ko ʻeni, tuku ki he ftānaú ke nau fanongo ki he ngaahi pōpoaki fakalaumālie ʻoku fūfuuʻi aí.
Fakamatala ʻa e folofolá pea mo e Ngaahi Fehuʻi ke Aleaʻi pea mo Fakaʻaongaʻí
-
Ko e tala fakatātā ʻo e Tangata Tūtuuʻí (Mātiu 13:1–9, 18–23; Maʻake 4:14–20; Luke 8:11–15)
-
Ko e hā e meʻa naʻe talanoa ʻa Sīsū ʻo kau ki ai ki he kakaí, ʻa ia ʻoku ha ʻi he tala fakatātā ʻo e tangata tūtuuʻí? (Mātiu 13:3–8.)
-
Lau fakataha mo e kalasí ʻa e Mātiu 13:18–23, Maʻake 4:14–20, pea mo e Luke 8:11–15. Ko e hā hoʻo fakakaukau ki he tengaʻi ʻakaú? Ko e hā e meʻa ʻokú ne fakafofongaʻi ʻa e fanga manu naʻa nau kai ʻa e tengaʻi ʻakaú? Ko e hā e potu makamaká? Ko e hā ʻa e ʻakau talatalá? Ko e hā ʻa e kelekele leleí? Ko e hā ʻa e ngaahi aká? Ko e hā ʻa e kau tokanga ki he māmaní?
-
ʻOku anga fēfē ʻetau ako ʻa e lea ʻa e ʻOtuá?
-
ʻOku anga fēfē ʻa e founga ke tau maʻu ai e folofola ʻa e ʻOtuá? Ko e faʻahinga “kelekele” fēfē ʻoku totonu ke tau hoko ki aí? (Mātiu 13:23.)
-
Ko e hā ʻa e pōpoaki fakalaumālie ʻoku fūfuuʻi ʻi he talanoa fakatātā ʻo e tangata tūtuuʻí?
-
-
Ko e Talanoa Fakatātā ʻo e Uité pea mo e Teá (Mātiu 13:24–30)
-
Ko e hā ha ngaahi meʻa anga maheni ʻoku hā ʻi he talanoa fakatātā ʻa Sīsū ki he uité pea mo e teá?
-
Ko hai ʻokú ke fakakaukau ko e tangata tūtuuʻi ia ʻi he talanoa fakatātā ko ʻení? Ko hai ʻokú ne fakafofongaʻi ʻa e uité? Ko hai ʻoku haʻu ʻi he poʻulí ʻo tuʻusi ʻa e uité? Ko hai ʻa e tea? Ko hai ʻokú ne fakafofongaʻi ʻa e ututaʻú? Lau ʻa e Mātiu 13:37–43 pea lau fakataha mo e fānaú ʻa e Tokāteline mo e Ngaahi Fuakava 86:1–7 pea toe fakahoko ʻa e ngaahi fehuʻi ko ʻení.
-
Ko hai ʻiate kinaua ʻokú ke fie hangā ko ia, ko e uité pe ko e teá? Ko e hā hono ʻuhingá?
-
Ko e hā ʻa e pōpoaki fakalaumālie ʻoku fufuuʻi ʻi he talanoa fakatātā ko ʻení?
-
ʻEkitivitī ke Takiakiʻi ʻAki e Tokangá
Te ke lava ʻo fakaʻaongaʻi ha taha pe lahi ange ʻo e ngaahi ʻekitivitií ni ʻi ha faʻahinga taimi pe lolotonga ʻa e lēsoní, pe ko hano toe fakamanatu, fakamatala fakanounou, pē ʻi hono tukupaá.
-
Ngaohi ha siate ʻe meimei tatau mo ʻení ke tokoniʻiʻaki ʻa e fānaú ke mahino kia kinautolu ʻa e ʻuhinga ʻo e ongo talanoa fakatātaá, pe ko haʻo hiki ʻa e ngaahi fakamatalá ʻi he palakipoé lolotonga hoʻo fakamatalaʻi ʻa e fakatātaá. Hili hoʻo hiki kotoa ʻa e ngaahi fakamatalá mou toe foki ʻo vakaiʻi ange ia. Mahalo te ke fie maʻu ke ngaohi ʻe he fānaú ʻenau taki taha tatau ʻo e siaté ni.
Ko e talanoa fakatātā ʻo e Tangata Tūtuuʻí
Tengaʻi ʻakaú
Ko e Ongongolelei ʻo Sīsū Kalaisí pe ko e folofola ʻa e ʻOtuá
Kelekelé
Ngaahi loto ʻo kinautolu ʻoku fanongo ki he leá
ʻI he tafaʻakí
ʻOku ʻikai ke mahino
ʻI he potu makamaká
Fanongo ka ʻoku ʻikai ha aka ʻiate iá; ʻoku faingofua ke fakalotoa ke fai ʻa e meʻa halá
Lotolotonga ʻo e talatalaʻamoá
Tokanga ki he ngaahi meʻa fakaemāmaní pea mo e koloá
ʻI he loto kelekele leleí
Fanongo pea mo mahinongofua foki
Fanga manu puná
Sētane
Fua
Ngaahi ngāue leleí
Ko e talanoa fakatātā ʻo e Uité pea mo e Teá
Tangata Tūtuuʻí
Ko Sīsū Kalaisi pea mo ʻene Kau ʻAposetoló
Tenga lelei (uité)
Kau Muimui ʻo Sīsuú
Ngoué
Māmani
Filí
Sētane
Teá (vaó)
Kau Muimui ʻo Sētané
Kau Tolí
Kau ʻāngeló
Ututaʻú
Ko e toe hāʻele anga-ua mai ʻa Sīsuú’
-
Hanga ʻo ʻomi ha ngaahi tenga fakafaʻahinga (ʻo ha fuaʻi ʻakau, vesitapolo, laise, uite, piini). Mou aleaʻi ko e hā e meʻa ʻoku tupu ʻi he foʻi tengá pea mo ʻomi ha fua ʻoku leleí. Fehuʻi ki he fānaú ko e hā e meʻa ʻe hoko ki he tengaʻi ʻakaú kapau naʻe tō kinautolu ʻi he veʻehalá, ʻi ha feituʻu makamaká, pe ʻi he uhouhonga ʻo ha talatalaʻamoá. Fakafehoanaki ʻeni ki hono ohi ʻa e ngaahi lea ʻa e ʻOtuá ʻi hotau ngaahi lotó. Tuku ki he fānaú ke nau aleaʻi ko e hā e faʻahinga loto ʻoku fakafofongaʻi ʻe he kelekelé pea ko e hā e meʻa ʻe lava ke tupulaki ai ʻa e ongoongoleleí pea mo ʻomi ha fua ʻoku leleí ʻi heʻetau moʻuí.
-
Hiki ʻi he palakipoé ʻa e ngaahi foʻi lea ko e ngaahi telinga, mata, pea mo e loto.
-
Ko e hā e meʻa ʻokú fakaʻaongaʻi ki ai ho telingá? matá? pea mo ho lotó? Tuku ke lau ʻe he fānaú ʻa e Mātiu 13:15. Ko e hā e folofola ʻa Sīsū ki he meʻa ʻoku totonu ke fakaʻaongaʻi ki ai ʻa e ngaahi konga ko ʻení hotau sinó? Fakakau ʻa e foʻi veesi ko ʻení ki he ngaahi talanoa fakatātaá pea mo e ongoongoleleí? Kapau te tau matuʻaki fakafanongo lelei ki he folofola ʻa e ʻOtuá, pea vakai lelei ki he moʻoni ʻoku i aí, pea fai ʻa ia ʻoku finangalo mai ʻa Sīsū ke tau faí, ko e hai te tau hoko ʻo hangē ko iá ʻi he ngaahi tala fakatātā ko ʻení?
-
-
Tuku ki he fānaú ke nau fakatotoloʻi, valivali, pe laineʻi ʻa e ngaahi mataʻitohi ʻoku fūfuuʻi ʻi he pāsoló koeʻuhí ke lava ʻo ʻilonga lelei ʻa e ngaahi leá. Kole ki he fānaú taki taha ke nau fakahā mai ha meʻa ʻe taha naʻe lava ke nau ako ʻi he ongo tala fakatātaá ni.
-
Mou lau mo e fānaú ʻa e niʻihi ʻo e ngaahi talanoa fakatātā ʻoku hā ʻi he Mātiu 13 pea mo tokoniʻi kinautolu ke nau ʻiloʻi ʻa honau ngaahi ʻuhingá. Ko e tokoni ke toe mahino ange ʻa e ngaahi tala fakatātaá ni, vakai, Tohi fakahinohino ki he Folofolá.
Fakaʻosí
Fakamoʻoní
Fakamoʻoniʻi ko Sīsū Kalaisí ko hotau Fakamoʻuí ia pea kapau te tau ako ʻene ngaahi leá pea tauhi ʻa ʻene ngaahi fekaú, ke tau lava ke hoko ʻo hangē ko e Tamai Hēvaní pea lava ke toe nofo fakataha pea mo ia.
Laukonga ʻoku Fokotuʻu atu ke Fai mei ʻApi
Fokotuʻu ke nau ako ʻa e Mātiu 13:1–9 ʻi ʻapi ke hoko ia ko hano toe fakamanatu ʻo e lēsoni ko ʻení?
Fakaafeʻi ha taha ke ne fai ʻa e lotu tukú.