Fafanga ʻEku Fanga Sipí

Taumuʻá

Ke tokoniʻi ʻa kinautolu ke nau fakahā ha ʻofa kia Sīsū Kalaisi ʻaki ʻetau tokoni ki he niʻihi kehé ke mahino kia kinautolu pea moʻuiʻaki ʻa e ongoongoleleí.

Teuteú

Ako ʻi he faʻa lotu ʻa e Sione 21:1–17 mo e Maʻake 16:15. Hili iá peá ke ako ʻa e lēsoni mo ke fili pe ʻe anga fēfē hono akoʻi ki he fānaú ʻa e ngaahi fakamatala ʻa e folofolá. (Vakai, “Teuteu Hoʻo Lēsoní,” vi, mo e “Faiako mei he Folofolá,” viii.)
Fili ʻa e ngaahi fehuʻi ke aleaʻi mo e ngaahi ʻekitivitī ʻa ia ʻe fakakau mai ki ai ʻa e fānau pea tokoni lelei taha kia kainautolu ke nau aʻusia ʻa e taumuʻa ʻo e lēsoní.
Ngāueʻaki ʻa e fanga kiʻi kongokonga fakatātā ʻo ha kiʻi sipi ke taki taha ʻa e fānaú ʻi hoʻo kalasí (vakai, ki he sīpinga ʻoku maʻu ʻi he konga ki mui ʻo e lēsoní), hiki ʻa e hingoa ʻo e fānaú ʻi he kiʻi fakatātā taki taha. (Ko ko hano hiki ʻa e hingoa ʻo e fānaú ʻi ha ʻū laʻi pepa kehekehe.) Fakapipiki takatakai ki muʻa ʻi he kalasí ʻa e kongokonga fakatātaá ʻi he lokí koeʻuhí ke ō ʻa e fānaú ʻo mamata kia kinautolu.
Nāunau ʻoku fie maʻú:
1. Tohi Tapu pe Fuakava Foʻou ke taki taha ʻa e fānaú.
2. Fakatātā 7-38, Ko Sīsū mo e kau Toutaí (Ngaahi Fakatātā ʻo e Ongoongoleleí 210; 62138 900).

Fokotuʻu ki he Founga Fai ʻo e Lēsoní

Fakaafeʻi ha taha ke ne fai ʻa e fua lotú.

ʻEkitivit ke Takiakiʻi ʻAki e Tokangá

Fehuʻi ange ke nau vakavakai holo ʻi he lokí pea fakahā atu ko e hā e meʻa ʻoku hā ngali kehe aí. Fakahā ange ko e sipi ʻoku nau mamata ki aí ʻoku tuʻu movetevete pea ko e tokoni te nau lava ke fakatahaʻiʻaki ʻe sipí ko ʻenau taki taha kumi ʻa e sipi ʻoku tohi ai honau hingoá ʻo ʻoatu kiate koe. Pea kapau ʻe toe ha niʻihi ʻo e ngaahi konga fakatātaá, fakamatalaʻi ange ke ke toki lava ʻamui ange ʻi he lēsoní ki he niʻihi ʻo e fanga sipi ko iá.

Fakaafeʻi mai ha taha ʻo e fānaú ke mo fakatātaaʻi ia. Te ke ui ʻa e taha ko iá ʻaki hono hingoa kakató, pehē ange “(Hingoá), ʻOkú ke ʻofa ki hotau Fakamoʻuí, ʻa Sīsū Kalaisi?” Hili hoʻo leaʻaki ʻe talí, “Fafanga ʻeku fanga lamí.” Toutou leaʻaki ʻe hingoa ʻo e kiʻi tamasiʻí pea fai ange tuʻo ua pe lahi ange ʻa e fehuʻí, pea hili hono fai ʻa e talí, “Fafanga ʻeku sipí.” Fehuʻi ange ko e hā e ongo naʻá ke maʻu ʻi he toutou fakahoko atu ʻa e foʻi fehuʻi tatau pe. Fakamatalaʻi naʻe maʻu ʻe Pita ʻa e ongo tatau pē mo Sīsū hili ʻa e toetuʻu ʻa Sīsuú.

Fakamatala ʻa e Folofolá

Akoʻi ki he fānaú ʻa e fakamatala ʻa e folofolá ki he hā ʻa Sīsū’ ki heʻene kau ākongá ʻo ofi ki he Tahi Taipīlioó (pe Kāleli) mei he Sione 21:1–17. (Ko e fokotuʻu ki he founga hono akoʻi ʻo e folofolá, vakai, “Faiako mei he Folofolá,” viii.) Fakaʻaongaʻi ʻa e fakatātaá ʻi hono taimi totonu.

Ngaahi Fehuʻi ke Aleaʻi pea mo Fakaʻaongaʻí

Ako ʻa e ngaahi fehuʻi mo e ngaahi fakamoʻoni folofola ko ʻení ʻi he teuteuʻi hoʻo lēsoní. Fakaʻaongaʻi ʻa e fehuʻi te ke ongoʻi ʻe tokoni lelei taha ki he fānaú ke mahino kia kinautolu ʻa e folofolá pea mo fakaʻaongaʻi ʻa e ngaahi tefitoʻi moʻoni ʻo e ongoongoleleí ʻi heʻenau moʻuí. ʻE tokoni haʻo lau mo aleaʻi mo e fānaú ʻi he kalasí ʻa e folofolá koeʻuhí ke nau maʻu ha ʻilo fakafoʻituitui ʻoku lahi angé.

Ngaahi Fehuʻi ke Aleaʻi pea mo Fakaʻaongaʻí

Ko e hā ʻe meʻa naʻe fai ʻe Pita mo e niʻihi ʻo e kau ākongá ʻi he Tahi ko Taipilioó? (Sione 21:3.) Ko e hā e meʻa naʻe folofola ʻa Sīsū ke fai ʻe he kau ākongá ʻi he ʻikai ke maʻu haʻanau iká? (Sione 21:5–6.) Ko e hā hoʻo fakakaukau ʻi hono toki fakatokangaʻi ʻe Sione ko Sīsū ia ʻi he taimi naʻe fonu ai ʻa e kupengá ʻi he iká? (Sione 21:6–7.) Ko e hā e meʻa naʻe fai ʻe Pitá? (Sione 21:7.) Ko e hā hoʻo fakakaukau ki he ʻuhinga naʻe fai ai ʻeni ʻe Pitá? (Ko e taimi naʻá ne ʻiloʻi ai ko Sīsū iá, naʻe ʻikai te ne toe tatali ke ne ofi kiate ia.)
Ko e hā e fehuʻi naʻe fai ʻe Sīsū kia Pitá? (Sione 21:15.) Ko e hā hoʻo fakakaukau ki hono fakahoko tuʻo tolu ange ʻe Sīsū kia Pita ʻa e foʻi fehuʻi ko ʻení? Ko e hā e ongo naʻe maʻu ʻe Pita ʻi he tuʻo tolu hono fai ange ʻe Sīsū ʻa e fehuʻi tatau pe? (Sione 21:17.) Ko e hā fua ʻa e ngaahi fatongia ʻo Pita ʻi he taimi naʻe pekia mo toetuʻu ai ʻa Sīsuú?
Ko e hā e ʻuhinga ʻa Sīsū ʻi he taimi naʻá ne pehē ai, “Fafanga ʻeku fanga sipí”? Ko hai fua ʻene fanga sipí? (Ko kinautolu kotoa pē ʻa e fānau ʻa e Tamai Hēvaní.) Ko e hā ʻoku fie maʻu ai ʻe Sīsū ke fafanga ʻa ʻene fanga sipí? (Ko e ngaahi tefitoʻi moʻoni ʻo e ongoongoleleí.) Ko e e meʻa ʻoku finangalo ʻa Sīsū ke fafangaʻaki ʻene fanga sipí? (Ko e ngaahi tefitoʻi moʻoni ʻo e ongoongoleleí.) Ko e hā e meʻa naʻe ui ʻe he ʻEikí ki heʻene kau ʻAposetoló ke nau faí?

Tokoniʻi ke mahino kia kinautolu mei he fealēleaʻaki ko ʻení naʻe fekauʻi ʻe Sīsū ʻene kau ʻAposetoló ke malangaʻi ʻa e ongoongoleleí, pea naʻá ne fie maʻu ʻa kinautolu ke hokohoko atu ʻa ʻene ngāué, kae ʻoua naʻa nau toe foki ʻo toutai. Naʻe hoko ʻa Pita ko e Palesiteni ʻo e Siasí ʻi he taimi ko iá, pea ko hono fatongiá ke tataki ʻa e Siasí mo hinoiʻi ʻa e ngāué ʻi hono fakamafola ʻa e ongoongoleleí ʻa Sīsuú.’

Ngaahi Fehuʻi ke Aleaʻi pea mo Fakaʻaongaʻí

ʻOku tau maʻu nai ʻi he ʻahó ni ha kau tauhi-sipi ke nau fafanga ʻa e fanga sipi ʻa Sīsuú? Ko hai ʻa kinautolu? (Vakai, ʻekitivitī fakatupulaki 2.)

Pea kapau ʻoku kei toe ha fakatātā fakapipiki ʻo e sipí ʻi he lokí, kole ange ki ha taha ʻo e fānaú ke ne tānaki pea ʻomai ʻa kinautolu ki muʻa. Fakamatalaʻi ange ko e niʻihi ʻo e fānau ʻoku hā honau hingoá ʻi he fanga sipí ʻoku nau fie maʻu ha tauhi-sipi ke ne fafanga kinautolu ʻaki ʻa e ongoongoleleí.

Ngaahi Fehuʻi ke Aleaʻi pea mo Fakaʻaongaʻí

ʻE anga fēfē ʻetau hoko ko e kau tauhi-sipi pea fafanga ʻa e fanga sipi ʻa Sīsuú’? (ʻAki ʻetau tā ha ngaahi sīpinga lelei, ʻaʻahi kia kinautolu ko ia ʻoku ʻikai ke nau faʻa haʻu ki he kalasí pea hoko ko ha ngaahi kaungāmeʻa ʻi he akó, ʻaki ʻetau poupouʻi ʻa e ongoongoleleí mo e Siasí, ʻaki ʻetau tokoniʻi ʻa kinautolu ʻoku nau fie maʻu tokoní, pea mo e alā meʻa pehē.) ʻE anga fēfē haʻatau tokoni ki he kau mēmipa ʻo e fāmilí mo e ngaahi kaungāmeʻá ke nau maʻu ha ʻilo lahi ange ki he ngaahi tefitoʻi moʻoni ʻo e ongoongoleleí? Ko e hā hono ʻuhinga ʻoku tau fakahā ʻa ʻetau ʻofa kia Sīsuú ʻi he taimi ʻoku tau tokoni ai ki he niʻihi kehé?

ʻEkitivitī Fakatupulaki

Te ke lava ke fakaʻaongaʻi ha taha pe lahi ange ʻo e ʻekitivitií ni ʻi he lolotonga ʻo e lēsoní pe ko hano vakaiʻi, pe fakamatala fakanounou, pē ʻi hono tukupaá.

Hiki ʻi ʻolunga ʻi ha fuʻu laʻi pepa lahi ʻa e Fafanga ʻEku Fanga Sipí (pe ko hono fakaʻaongaʻi ʻa e palakipoé). Aleaʻi mo kinautolu ʻa e ngaahi founga ke nau lava ke fakahā ai ʻa ʻenau ʻofa kia Sīsuú ʻaki ʻenau fafanga ʻene fanga sipí. Hiki ʻi he siaté pe palakipoé ʻa ʻenau ngaahi fokotuʻú. Fakaʻaongaʻi ʻa e ngaahi fokotuʻu ko ʻení, ʻo kapau ʻoku fie maʻu:

Te ke lava ke hoko ko ha faʻifaʻitakiʻanga lelei ʻaki hoʻo ʻalu ki he lotú, fakaʻaongaʻi ʻa e ngaahi lea leleí, talangofua ki he ngaahi fekaú, faitotonu, faʻa lotu, ako ʻa e folofolá, moʻuiʻaki e meʻa ʻokú ke akó, pea talangofua ki hoʻo ngaahi mātuʻá mo e lao ʻo e fonuá.

Fai hoʻo fakamoʻoní ki he kāingalotú mo kinautolu ʻoku teʻeki siasí.

Tokoni ki he niʻihi kehé ke nau fili ki he meʻa ʻoku totonú ʻi he taimi ʻe ʻahiʻahiʻi ai ʻa kinautolú.

Talanoa ʻo kau ki he ongoongoleleí ki he kakai ko ia ʻoku ʻikai ke nau ʻilo ʻo kau ki aí.

Lotu mo ako ʻa e folofolá ke ke toe vāofi ange ai mo e ʻEikí.

ʻOange ke nau taki taha ha laʻi pepa pea mo ha peni vahevahe peá ke kole ange ke nau hiki, “Te u hoko ko ha tauhi-sipi lelei ʻaki .” Kole ange ke nau fakaʻosi ʻa e foʻi sētesi ko ʻení ʻaki haʻanau tohi pē ʻe anga fēfē haʻanau palani ke hoko ko ha tauhi-sipi leleí.
Hiki ʻi he palakipoé ha niʻihi ʻo e ngaahi lakanga ʻi he Siasí, ʻo hangē ko e pīsopé, faiakó, palesiteni fakasiteikí, faiako fakaʻapí, faiako ʻaʻahí, faifekaú, palōfitá, ʻaposetoló, palesiteni Palaimelí, pea mo e alā meʻe pehē. Fehuʻi tahataha ki he fānaú ke nau fili mai ha taha ʻo e ngaahi lakanga ko ʻení pea fakahā mai pe ʻoku anga fēfē ʻa e tokoni ʻa e taha ko iá ki hono fafanga ʻo e fanga sipi ʻa e Fakamoʻuí. Kole ange ke nau fakahā mai ha faʻahinga meʻa naʻe hoko ʻi he taimi naʻe tokoni ai ʻa e kau faiakó, ngaahi kaungāmeʻá, pe ko ha taha ʻo e kau mēmipa ʻo e fāmilí kia kinautolu ke nau ako ʻo toe lahi ange ʻo kau ki he ongoongoleleí. ʻE lava pē ke vahevahe mai ha meʻa naʻe hoko kiate koe.
Hiki ʻa e ngaahi meʻa ko ʻení ʻi ha ʻū laʻi pepa pe ko ha ngaahi meʻa ʻoku meimei tatau mo ia naʻe hoko ʻe lava ke tokoni ki he niʻihi kehé ke nau toe mālohi ange ai ʻi he Siasí. Kole ki ha taha ʻo e fānaú ke ne fili mai ha taha ʻo e ʻū laʻi pepá, lau fakalongolongo pe ia, pea mo fakatātaaʻi ʻa e meʻa naʻe hokó. Tuku ange ki he niʻihi ʻo e fānaú ke nau mateʻi mai ko e hā e meʻa naʻe hokó pea aleaʻi pe ʻe anga fēfē haʻanau tokoni ki hono fafanga ʻa e fanga sipi ʻa Sīsuú. ʻOange ha faingamālie ki he fānaú taki taha.
- ʻOku fakahohaʻasi ʻe ha niʻihi ʻo e fānau ʻi hoʻo kalasí ʻa e niʻihi kehé lolotonga ʻa e lēsoní.
- ʻOku ʻi ai ha niʻihi ho ngaahi kaungāmeʻá ʻoku nau fie maʻu ke mamata ki ha ngaahi heleʻuhila koví.
- Ne fakalotoʻi koe ʻe ha taha ho ngaahi kaungāmeʻá ke ke toʻo ha lole mei he falekoloá ʻo ʻikai ke totongi.
- Ne fie maʻu ʻe ha toko taha ʻi hoʻomou kulupú ʻa e toengá ke mou inu pia pe ʻoua naʻa mou tauhi kotoa ʻa e Lea ʻo e Potó.
Fakamatalaʻi ange ko e founga lelei ke ke tokoni ai ki ha taha ke ne ʻilo ki he ongoongoleleí ko haʻo hoko ko hano kaungāmeʻa. Mou potalanoa mo e fānaú ʻo kau ki ha meʻa ʻoku saiʻia ai ʻi honau kaungāmeʻá pea ʻe anga fēfē e fakalakalaka ʻa e ngaahi ʻulungāanga ko ʻení.

Hili hono vakaiʻi ʻo e ngaahi fakakaukaú mo e teuteú, fai haʻo kiʻi tohi nounou ʻo fakahā ange kia kinautolu taki taha ʻa e ngaahi ʻulungāanga ʻokú ke mahuʻingaʻia ai ʻiate kinautolú. Fakamahino ange ʻa e ngaahi ʻuhinga ʻokú ke fie hoko ai ko honau kaungāmeʻá.
Tuku ke nau fakamatalaʻi pe ʻoku anga fēfē ha tokoni ʻa e ngaahi fololoa ko ʻeni kia kitautolu ʻi he ʻahó ni:
Hivaʻi pe lau ʻa e ngaahi lea ki he “Holi ke Faitotonu” (Tohi Himi ʻa e Fānaú, p. 158) or “ ʻOku ou Feinga ke Hangē ko Sīsuú” (Tohi Himi ʻa e Fānaú, p. 78).

Fakaʻosí

Fakamoʻoní

Fai ʻa hoʻo fakamoʻoní ʻi heʻetau hoko ko e kau mēmipa ʻo e Siasí, ʻoku tau taki taha maʻu ai ʻa e faingamālie ke tokoni ki he niʻihi kehé ke nau ako ʻo kau ki he ongoongoleleí pea toe ofi ange ai kia Sīsū Kalaisi. Vahevahe ʻa e ngaahi ongo ʻokú ke mau ʻo kau ki hoʻo lava ʻo fakahā kia kinautolu ʻa e ongoongoleleí.

Laukonga ʻoku Fokotuʻu Atu ke Fai mei ʻApi

Fokotuʻu ke nau ako ʻa e Sione 21:1–17 ʻi ʻapi ke hoko ko hano toe fakamanatu ʻo e lēsoni ko ʻení.

Fakaafeʻi ha taha ke ne fai ʻa e lotu tukú.