Սովորել

Ի՞նչ են մարդիկ ցանկանում գնել:

Ժամանակ.Ժամանակաչափով 60 րոպե ֆիքսեք՝ Սովորել բաժնի համար:

Կարդացեք.Ինչպե՞ս ընտրել բիզնեսներ, որոնք կարող են հաջողակ լինել: Եթե արդեն ունենք որևէ բիզնես, ինչպես իմանալ, որ դա է ճիշտը:

Այս դասը կկենտրոնանա Բիզնեսի հաջողության քարտեզի Հաճախորդների բաժնի վրա:

Դիտեք.«Փայտիկով բիզնես» (Չկա տեսանյո՞ւթ: Կարդացեք 26 էջը):

Քննարկեք.Ի՞նչ սովորեցիք այս տեսանյութից:

Կարդացեք.ՇԱԲԱԹՎԱ ՀԱՐՑ. Ի՞նչ են մարդիկ ցանկանում գնել:

ՇԱԲԱԹՎԱ ԳՈՐԾՈՂՈւԹՅՈւՆ. Ես կզրուցեմ ձեռնարկատերերի և հաճախորդների հետ և կընտրեմ մի ապրանք կամ ծառայություն, որը լուծում է հաճախորդների խնդիրները:

Այս հանդիպման մնացած մասում դուք կսովորեք և կկիրառեք հմտություններ, որոնք կօգնեն ձեզ պատասխանել այս հարցին և կատարել այս գործողությունները: Այս տեսանյութը կօգնի ձեզ սկսել՝ տալով ճիշտ հարցեր:

Դիտեք.«Ճիշտ բիզնես ընտրելը» (Չկա տեսանյո՞ւթ: Կարդացեք 28 էջը):

Կարդացեք.Եկեք կարդանք այս դիագրամը և կատարենք հաջորդ էջի գործնական աշխատանքը:

ՃԻՇՏ ԲԻԶՆԵՍ ԸՆՏՐԵԼԸ

¹ Ի՞նչ են մարդիկ ցանկանում գնել:

ՀԱՃԱԽՈՐԴՆԵՐ, ԱՊՐԱՆՔՆԵՐ

² Ի՞նչ ես կարող եմ առաջարկել:

ՀՄՏՈՒԹՅՈՒՆՆԵՐ, ՀԵՏԱՔՐՔՐՈՒԹՅՈՒՆՆԵՐ, ՓՈՐՁ

³ Դա թո՞ւյլ է տալիս «հեշտ սկսել»:

ՄՐՑԱԿՑՈՒԹՅՈՒՆ, ՄԱՏԱԿԱՐԱՐՆԵՐ, ԿԱՊԻՏԱԼ

⁴ Դա կմեծացնի՞ իմ եկամուտը:

ԲԱՎԱՐԱՐ ԵԿԱՄՈՒՏՆԵՐ/ՇԱՀՈՒՅԹ

ԼԱՎ ԲԻԶՆԵՍ Է ԻՆՁ ՀԱՄԱՐ:

Ինչպե՞ս եմ ես ընտրում ճիշտ բիզնես։

Կիրառեք.Ի՞նչ տեսակ բիզնես եք դուք նախընտրում. մթերային, հյուրընկալության, առողջապահական, սպասարկման, շինարարության, արտադրության, ծառայությունների կամ ուրիշ:

Օգտագործեք նախորդ էջի դիագրամի չորս հարցերը՝ ձեր տարբերակները նվազեցնելու համար: Ուշադրություն դարձրեք աջում տրվող օրինակներին: Գրեք բիզնեսի մեկ կամ երկու տեսակ, որոնք ձեզ հետաքրքրում են.

Հաջողակ ձեռնարկատերերը մեծն են մտածում, բայց փոքրից են սկսում:

Օրինակ․

Մթերք, Վաճառք

Ձեր կողքի նստողի հետ տվեք հետևյալ հարցերը ճշգրիտ կերպով. Գրեք ձեր պատասխանները:

1. Ձեր սեփական բիզնեսի մեջ կամ բիզնեսի որևէ տեսակում, որը ձեզ հետաքրքրում է, ի՞նչ հատուկ հաճախորդի պահանջներ եք դուք տեսնում: Ի՞նչ կգնեն հաճախորդները։

   Աղանդեր կամ թեթև նախաճաշ

   Էժան սպասարկում կեսօրից հետո, կամ երեկոյան

2. Ի՞նչ պահանջներ է բավարարելու ձեր բիզնեսը: Ի՞նչն եք դուք լավ անում, կամ ինչո՞վ եք հետաքրքրված:

   Ես սիրում եմ ուտելիք պատրաստել

   Ես լավ եմ վաճառում

3. Ի՞նչ կոնկրետ բիզնես կարող եք դուք հեշտորեն սկսել կամ ինչպե՞ս կարող եք դուք ընդլայնել կամ փոխել ձեր ներկայիս բիզնեսը ավելի շահութաբեր դարձնելու համար: Մտածեք մրցակցության, մատակարարների և անհրաժեշտ գումարի մասին:

   Հասարակ ապրանք

   Ցածր նախնական արժեք

   Ցածր մրցակցություն

4. Ինչպե՞ս ձեր բիզնեսը թույլ կտա ձեզ մեծացնել ձեր եկամուտը և դառնալ ինքնապահով: Որտե՞ղ կարող եք դուք շահույթ ստանալ:

   Շատ հաճախորդներ

Այժմ, թվարկեք մի քանի հատուկ բիզնեսներ, որոնց մասին կցանկանայիք գիտելիք ձեռք բերել.

Շարժական հյուրասիրությո՞ւն

Պաղպաղա՞կ Մի՞րգ

Զվարճալի մի բա՞ն

Ի՞նչ կարող եմ սովորել ձեռնարկատերերից:

Կարդացեք.Հիմա, երբ մենք ունենք մի քանի գաղափարներ մեր սեփական բիզնեսի մասին, մենք պատրաստվում ենք անել շուկայի հետազոտություն՝ փորձարկել մեր գաղափարները և իմանալ ավելին: Մենք կհետևենք մարդկանց, կխոսենք հաճախորդների հետ, կխոսենք մրցակիցների հետ, և կփորձենք ապրանքները: Եվ մենք կհայտնաբերենք իրական պահանջարկը:

Դիտեք.«Խոսել ձեռնարկատերերի հետ» (Չկա տեսանյո՞ւթ: Շարունակեք կարդալ):

Կիրառեք.Ձեր կողքի նստողի հետ պարապեք այն հարցերը, որոնք հարցնելու եք ձեռնարկատերերին այս շաբաթ: Մեկդ մյուսին բացատրեք ձեր բիզնեսը կամ այն բիզնեսը, որը ցանկանում եք սկսել: Հերթով ներկայացեք և տվեք միմյանց ստորև տրված հարցերը: Կարծիք հայտնեք մեկդ մյուսի մասին և կրկին փորձեք:

ԾԱՆՈԹՈՒԹՅՈՒՆ. Բարև Ձեզ, ես ______(անունը): Իսկ դո՞ւք: Ես բիզնեսի դասարանում եմ և մենք փորձում ենք սովորել, թե ինչպես են բիզնեսները կայանում: Կարելի՞ է մի քանի հարց տամ:

ՀԱՃԱԽՈՐԴՆԵՐԻ ՊԱՀԱՆՋՆԵՐԸ, ԱՊՐԱՆՔՆԵՐ

• Ի՞նչն են ձեր հաճախորդները ամենաշատը գնում:

• Ձեր կարծիքով, ինչո՞ւ են ձեր հաճախորդները գնում այն, ինչ դուք վաճառում եք:

• Ովքե՞ր են ձեր մրցակիցները: Ի՞նչն է դարձնում ձեր բիզնեսն ավելի լավը, քան նրանցն է:

ՄԱՏԱԿԱՐԱՐՆԵՐ, ՇԱՀՈՒՅԹ

• Որտեղի՞ց եք ձեռք բերում ձեր ապրանքը: Կա՞ն արդյոք այլ մատակարարներ:

• Ձեր կարծիքով, կարո՞ղ եք ավելի էժան ձեռք բերել, եթե մեծաքանակ գնեք:

• Ի՞նչ գին եք դուք սահմանել: Ինչո՞ւ եք որոշել այդ գինը դնել: Արդյոք շահույթո՞վ եք աշխատում:

• Ի՞նչ կպատահի, եթե գինը բարձրացնեք կամ իջեցնեք:

ՎԱՃԱՌՔ

• Քանի՞ հատ կարող եք օրական վաճառել:

• Ինչպե՞ս եք գտնում նոր հաճախորդներ:

• Որքանո՞վ է կարևոր ձեր բիզնեսի տեղը:

• Որո՞նք են եղել ձեր հաջողության բանալիները: Մեծ խնդիրնե՞ր

Քննարկեք.Երբ բոլոր բաներն առնվազն մեկ անգամ փորձեք, խմբով քննարկեք. երբ դուք դուրս գաք և խոսեք գործարարների հետ, ի՞նչ դուք կհարցնեք նրանց: Այն, ինչ իմացաք, գրեք այստեղ.

Կարդացեք.

Ամեն օր այս շաբաթ, երբ խոսեք ձեռնարկատերերի հետ, գրեք այն, ինչ սովորել եք, ձեր աշխատանքային նոթատետրում:

Դիտեք.Տեսեք, թե ինչպես են Ջոզեֆն ու Ջոնը սկսել նոր բիզնես: Դիտեք «Ջոզեֆ և Ջոն. Բժշկական ապրանքներ»: (Չկա տեսանյո՞ւթ: Անցեք հաջորդ էջին:)

Ի՞նչ կարող եմ սովորել հաճախորդներից:

Կարդացեք.Հաջողակ ձեռնարկատերերը ամեն օր սովորում են հաճախորդներից: Մենք կարող ենք շատ բան սովորել ուշադիր լինելով մեր հաճախորդներին և զրուցելով նրանց հետ: Նրանք կամ կառուցում են, կամ քանդում մեր բիզնեսը: Եկեք լսենք և սովորենք:

Հաջողակ ձեռնարկատերերը ամեն օր սովորում են հաճախորդներից:

Դիտեք.«Խոսել հաճախորդների հետ» (Չկա տեսանյո՞ւթ: Շարունակեք կարդալ):

Կիրառեք.Խմբից մեկի հետ պարապեք այն հարցերը, որոնք ուղղելու եք հաճախորդներին այս շաբաթ: Պատկերացրեք, թե նա ձեր հաճախորդն է: Քննարկեք ստորև բերված հարցերից մի քանիսը, որոնք վերաբերում են ձեր բիզնեսին կամ բիզնեսի գաղափարին: Գրառումներ արեք: Այնուհետև փոխվեք դերերով։ Օգտակար կարծիքներ հայտնեք մեկդ մյուսին և պարապեք՝ թերությունները շտկելու ուղղությամբ:

ԾԱՆՈԹՈՒԹՅՈՒՆ. Բարև Ձեզ, ես ______(անունը): Իսկ դո՞ւք: Ես բիզնեսի դասարանում եմ և մենք սովորում ենք հաճախորդների մասին: Կարելի՞ է մի քանի հարց տամ:

ՀԱՃԱԽՈՐԴՆԵՐԻ ՊԱՀԱՆՋՆԵՐԸ, ԱՊՐԱՆՔՆԵՐ

• Ի՞նչ եք դուք գնում այս բիզնեսից:

• Եթե կարողանայիք, ի՞նչ կփոխեիք այս ապրանքի մեջ: Իսկ բիզնեսի՞ մեջ:

• Պատահե՞լ է, որ գնել եք այս ապրանքը այլ տեղերից: Որտե՞ղ են դրանք ավելի լավը, կամ ավելի վատը: Ինչո՞ւ:

ՎԱՃԱՌՔ, ՇԱՀՈՒՅԹ

• Ի՞նչն է ձեզ դուր գալիս այս ապրանքն այստեղից գնելիս:

• Ի՞նչը կնպաստի, որ ցանկանաք ավելի շատ գնել։

• Արդյո՞ք արժեքը ճիշտ է ընտրված: Կգնեի՞ք ավելի շատ, եթե գինն ավելի ցածր լիներ:

• Կգնեի՞ք նույնքան, եթե նրանք թանկացնեին գինը:

• Արդյո՞ք կարևոր է տեղը:

ԴԻՏԱՐԿՈՒՄ. (Մի տվեք հետևյալ հարցերը, ուշադիր եղեք հաճախորդներին, որ գտնեք պատասխանները):

• Նրանք մեծամասամբ կանա՞յք են, տղամարդի՞կ, թե՝ խառը:

• Նրանք երիտասարդ են, թե՞ տարեց:

• Արդյո՞ք նրանք շատ փող ունեցող են երևում, թե՝ քիչ:

• Օրվա ո՞ր ժամին են նրանք գնում կատարում:

• Որքա՞ն են նրանք գնում:

Կարդացեք.

Ամեն օր այս շաբաթ, երբ խոսեք հաճախորդների հետ, գրեք այն, ինչ սովորել եք, ձեր աշխատանքային նոթատետրում:

Քննարկեք.Ի՞նչ եք հարցնելու հաճախորդներին այս շաբաթ: Գրեք ձեր մտքերն այստեղ կամ ձեր աշխատանքային նոթատետրում.

Ինչպե՞ս եմ օգտագործում շուկայի հետազոտությունը:

Կարդացեք.Երբ կատարում ենք շուկայի հետազոտություն, ապա պետք է գնահատենք այն, ինչ սովորում ենք: Եկեք կիրառենք գնահատման գործընթացը:

Կիրառեք.Ընտրեք խմբից մեկին, որ միասին աշխատեք: Թռուցիկ նայեք հետևյալ երկու բիզնեսների շահույթը, մրցակցությունը և մատակարարներին:

ՄՐԳԻ ԿՐՊԱԿ		ԳՆԱՀԱՏՈւՄ
Վաճառված գները (միջին օրական)	200	Միավորներ / Ամիս	5000
Վաճառքի գին	5՝ մեկ հատի դիմաց (միջինով)	Վաճառք / Ամիս	25000
Գնելու արժեքը	4՝ մեկ հատի դիմաց (միջինով)	Վաճառք / Ամիս	(20200)
Մրցակցություն	ՄՐԳԻ 6 ԿՐՊԱԿ	ՇԱՀՈւՅԹ	4800
Մատակարարներ	2 մատակարարներ, հեռավոր

ՄԱՆԿԱԿԱՆ ՀԱԳՈւՍՏ		ԳՆԱՀԱՏՈւՄ
Վաճառված ապրանքներ (միջին օրական)	20	Միավորներ / Ամիս	500
Վաճառքի գին	100՝ մեկ ապրանքի դիմաց (միջինով)	Վաճառք / Ամիս	50000
Գնելու արժեքը	80՝ մեկ ապրանքի դիմաց (միջինով)	Արժեքներ / Ամիս	(40000)
Մրցակցություն	Մոտակայքում ոչ մի հատ չկա	ՇԱՀՈւՅԹ	10000
Մատակարարներ	3 մատակարարներ, մոտակայքում

Քննարկեք.Ո՞ր բիզնեսը դուք կընտրեք: Ինչո՞ւ:

Այսօրվա մեր քննարկածի շրջանակներում, ինչ այլ հարցեր դուք կտայիք այդ բիզնեսների կամ նրանց հաճախորդների մասին:

Կարդացեք.Երբ այս շաբաթն անցնի մենք կպատրաստվենք որոշել, թե որն է լինելու մեր բիզնեսը: Շաբաթվա ընթացքում մենք կվերանայենք այն ամենը, ինչ սովորել ենք և հաջորդ հանդիպմանը կգանք մի բիզնես գաղափարով (կամ նոր բիզնեսի կամ բարելավված առկա բիզնեսի վերաբերյալ): Եթե արդեն ունենք բիզնես, կորոշենք՝ թե արդյո՞ք դա մեր լավագույն տարբերակն է: