Սովորել
Ինչպե՞ս նկարագրեմ իմ բիզնեսը։
-
Կարդացեք.
Այսօր մենք կանենք մեր բիզնեսի ներկայացումը: Երբ մենք նկարագրում ենք մեր բիզնեսն ուրիշներին, մենք բաներ ենք սովորում դրա մասին, որոնք կօգնեն մեզ բարելավել այն: Եթե ներկայացումների ժամանակ գաղափարներ ծնվեն մեզ մոտ, եկեք գրենք դրանք մեր բիզնեսի նոթատետրներում:
-
Կարդացեք.ՇԱԲԱԹՎԱ ՀԱՐՑ. Ինչպե՞ս բացատրեմ իմ բիզնեսն ուրիշներին:
ՇԱԲԱԹՎԱ ԳՈՐԾՈՂՈւԹՅՈւՆ. Ես մտքեր կվերցնեմ ուրիշներից՝ իմ բիզնեսը մեծացնելու վերաբերյալ:
-
Ժամանակ.Ֆիքսեք ժամանակաչափը երեք րոպեով՝ ներկայացում անցկացնող յուրաքանչյուր անձի համար: Երբ մեկ րոպե մնա, տեղյակ պահեք ներկայացնողին:
Հաջողակ ձեռնարկատերերը ամեն օր մի բան բարելավում են:
-
Կարդացեք.Այժմ մենք կունենանք առաջին ներկայացումը: Ո՞վ է ցանկանում գնալ առաջինը։ Հիշեք, դուք երեք րոպե ունեք ներկայացումն անցկացնելու համար և ևս երկու րոպե՝ քննարկման համար:
-
Կարդացեք.Հետևեք հաջորդ էջի հրահանգներին:
ԻՄ ԲԻԶՆԵՍԸ ԵՐԵՔ ՐՈՊԵՈւՄ. ՀՐԱՀԱՆԳՆԵՐ
Մաս 1
Մեկ րոպեից պակաս ժամանակում նկարագրեք ձեր բիզնեսը:
Մաս 2
Մեկ րոպեից պակաս ժամանակում նկարագրեք, թե ինչպես հետևյալ հարցերից մեկին պատասխանելը մեծապես բարելավեց ձեր բիզնեսը:
1. Ի՞նչ են մարդիկ ցանկանում գնել:
2. Ինչպե՞ս եմ ես վաճառում:
3. Ինչպե՞ս եմ վերահսկում ծախսերը:
4. Ինչպե՞ս եմ մեծացնում շահույթը:
5. Ինչպե՞ս եմ կառավարում իմ բիզնեսը։
Մաս 3
Մեկ րոպեից պակաս ժամանակում նկարագրեք մի եղանակ, թե ինչ կանեք, որ շարունակեք բարելավել ձեր բիզնեսը:
-
Ժամանակ.Այժմ, ժամանակաչափով ֆիքսեք 2 րոպե՝ քննարկման համար:
-
Քննարկեք.Միմյանց հարցեր տվեք: Խորհրդակցեք միասին: Օգնեք բարելավել խմբի այս անդամի բիզնեսը:
-
Կարդացեք.Ապա, կրկնեք այս քայլերը խմբի յուրաքանչյուր անդամի համար, մինչև որ բոլորը ներկայանան:
Ի՞նչ ես սովորեցի:
-
Քննարկեք.Հաջողակ բիզնեսի սեփականատերերը շարունակ սովորում են: Ի՞նչ դուք սովորեցիք խմբի մյուս անդամներից, որը կօգնի բարելավել ձեր բիզնեսը:
Հաջողակ բիզնեսի սեփականատերերը շարունակ սովորում են:
-
Կարդացեք.Մեր հաջորդ վեց հանդիպումների ընթացքում մենք կսովորենք, թե ինչպես մեծացնել մեր բիզնեսը: Մեր հաջորդ հանդիպման համար հարկավոր է բերել բիզնեսի եկամտի ու ծախսերի մատյանը և եկամտի հաշվետվությունը անցյալ երկու շաբաթների համար:
Եթե դեռ բիզնես չենք սկսել, մենք կօգնենք մյուսներին իրենց եկամտի ու ծախսերի մատյանի և եկամտի հաշվետվության վրա աշխատելիս: Սա լավ պրակտիկա կլինի մեզ համար:
-
Դիտեք.Տեսեք, թե ինչպես Ֆելիքսը բարելավեց իր բիզնեսը օգտագործելով ինքնապահովման սկզբունքները: Դիտեք «Ֆելիքս. Սառնարանի պահեստամասեր»: (Չկա տեսանյո՞ւթ: Շարունակեք կարդալ):
Արդյո՞ք դառնում եմ ավելի ինքնապահով:
-
Կարդացեք.Մեր նպատակը ինքնապահով լինելն է, և աշխարհիկ, և հոգևոր առումով: Այդ նպատակի մասն է՝ դարձնել մեր բիզնեսը հաջողակ:
-
Քննարկեք.Ի՞նչ փոփոխություններ եք տեսել ձեր կյանքում՝ պարապելով և ուսուցանելով Իմ Հիմքը սկզբունքը:
-
Կիրառեք.ՆկարMy Path to Self-Reliance cover
Բացեք ձեր Իմ ուղին դեպի ինքնապահովումը բուկլետը վերջում գտնվող՝ ինքնապահովման գնահատման մաքուր էջը: Լրացրեք քայլ առ քայլ:
Երբ ավարտեք երեք րոպե տրամադրեք՝ խորհելու հետևյալի մասին.
Արդյո՞ք այժմ ավելի քաջատեղյակ եք ձեր ծախսերից: Կարո՞ղ եք այժմ հարցերից շատերին պատասխանել ՝ «հաճախ» կամ «միշտ»: Արդյո՞ք այժմ ավելի վստահ եք այն գումարի հարցում, որը սահմանել եք որպես ձեր ինքնապահովման եկամուտ: Արդյո՞ք ավելի մոտ եք ձեր ինքնապահովման եկամտին հասնելուն: Ի՞նչ կարող եք անել՝ բարելավելու համար: