Միջոցներ

Մի՛ սպանեք հավերին. Մաս I

Բաժանեք դերերը և բեմադրեք հետևյալը.

ՏԵՍԱՐԱՆ. Մարիան մի քանի հավ է պահում և կարողանում է հոգալ իր ընտանիքի կարիքները հավկիթներ վաճառելով տեղական խանութներին և ռեստորաններին: Մատեոն՝ Մարիայի եղբայրն է նրան այցելում:

ՄԱՏԵՈ. Մարիա:

ՄԱՐԻԱ. Բարև, Մատեո: Ինչպե՞ս ես:

ՄԱՏԵՈ. Լավ եմ: Օ՛հ: Մի տե՛ս այս հավկիթները: Քո բիզնեսը լավ է ընթանում:

ՄԱՐԻԱ. Այո: Եվ ես երախտապարտ եմ դրա համար: Ես օգտագործել եմ այն բաները, որոնք սովորել եմ մեր ինքնապահովման խմբում: Ես պահել եմ իմ բոլոր պարտավորությունները և դա աշխատում է: Տերն իսկապես օրհնում է մեզ: Ամբողջ քրտնաջան աշխատանքը իր արդյունքն է տալիս:

ՄԱՏԵՈ. Դա հրաշալի է: Գուցե ես էլ միանամ խմբին: Ամեն դեպքում, ես նույնպես ունեմ լավ նորություններ: Ես բնակարան եմ գտել ընտանիքիս համար: Մենք վերջապես կունենանք հոսող ջուր և պատուհան: Վատն այն է, որ այս պահին բավական գումար չունեմ: Ինձ 1000 է պետք, որ կարողանամ տեղափոխվել: Ես չեմ ուզում այդ տեղը կորցնել, Մարիա: Այն կատարյալ է մեզ համար: Կօգնե՞ս ինձ:

ՄԱՐԻԱ. Մատեո, ես ցանկանում եմ օգնել քեզ, և միգուցե կարողանամ տալ այդ 1000-ը, սակայն պետք է վաճառեմ իմ հավերին:

Վերադարձ էջ 66

Մի՛ սպանեք հավերին. Մաս II

Հերթով կարդացեք հետևյալ պարբերությունները:

Պատկերացրեք, թե դուք աշխատում եք մի հյուրանոցում: Կարո՞ղ եք գումար վերցնել հյուրանոցից, երբ ցանկանաք: Կարո՞ղ է ձեր եղբայրը գումար վերցնել, հենց որ դրա կարիքն ունենա: Նրանք նրան հավանաբար բանտ կտանեն:

Այժմ մտածեք ձեր բիզնեսի մասին: Ձեր բիզնեսը կարիք ունի աճելու և բարգավաճելու այնպես, որ դուք կարողանաք պահել ինքնապահով լինելու պատվիրանը: Ձեր բիզնեսը մի գործիք է, որը Տերն օգտագործում է ձեզ օրհնելու համար: Եթե այն հաջողակ է, դուք կկարողանաք օրհնել շատ ուրիշների: Եվ ինչպե՞ս եք դուք պաշտպանում ձեր բիզնեսը, օգնելով, որ այն կայանա: Կարո՞ղ եք գումար վերցնել բիզնեսից ցանկացած ժամանակ, անձնական կարիքների համար: Իսկ ձեր եղբա՞յրը կամ բարեկա՞մը:

Ահա բանալին. դուք և ձեր բիզնեսը տարբեր եք: Պետք է առանձին տեղեր լինեն՝ բիզնեսի և անձնական գումարները պահելու համար: Դուք կարող եք օգտագործել առանձին արկղներ կամ առանձին բանկային հաշիվներ: Դուք նաև պետք է առանձին գրանցումներ պահեք բիզնեսի և անձնական գումարների համար. առանձին տեղեր և առանձին գրանցումներ:

Բայց հետո, ինչպե՞ս եք բիզնեսից գումար հատկացնելու ձեր ընտանիքի համար:

Լավ, ինչպե՞ս դա կլիներ, եթե աշխատեիք մեկ ուրիշի համար: Այդ անձը կամ բիզնեսը կվճարեր ձեզ աշխատավարձ, այդպես չէ՞: Կամ, եթե դուք վաճառքի ներկայացուցիչ լինեիք, ապա բիզնեսից տոկոսներ կամ պարգևատրում կստանայիք: Ձեր աշխատավարձը կամ պարգևատրումը կլիներ ձեր եկամուտը. և դուք տասանորդ կվճարեիք այդ եկամտից: Հետո, դուք կարող էիք ծախսել մնացածը ձեր անձնական կարիքների համար, ինչպիսիք են սնունդը և հագուստը, կամ նույնիսկ ձեր եղբորն օգնելը:

Որպես գործատեր դուք ձեզ աշխատավարձ պետք է վճարեք. մի որոշակի գումար՝ ամեն շաբաթ, օրինակ: Եթե բավական գումար չկա ձեր բիզնեսում կանոնավոր աշխատավարձ վճարելու համար, դուք կարող եք ձեզ պարգևատրում վճարել՝ վաճառքից տոկոսներ: Երկու դեպքերում էլ աշխատավարձը կամ տոկոսները դառնում են ձեր անձնական եկամուտը: Դուք վճարում եք տասանորդը այս եկամտից: Այնուհետև դուք կարող եք օգտագործել մնացածը սննդի, վարձավճարի, դեղորայքի և խնայողությունների համար:

Այս պարզ քայլը՝ ձեր բիզնեսի և անձնական գումարների առանձնացումը, կպաշտպանի և՛ ձեզ, և՛ ձեր բիզնեսը: Ձեր բիզնեսը կարող է աճել և կայանալ: Եվ դուք կիմանաք, թե ձեր անձնական հաշվից որ գումարը կարող եք օգտագործել և կիսվել:

Վերադարձ էջ 67

Մի՛ սպանեք հավերին. Մաս III

Բաժանեք դերերը և բեմադրեք հետևյալը.

ՄԱՐԻԱ. Մատեո, եթե ես վաճառեմ իմ բոլոր հավերը, դու գիտես չէ՞, ինչ կլինի իմ բիզնեսի հետ: Ես այլևս հավկիթներ չեմ ունենա, որ վաճառեմ: Հետո իմ բիզնեսը կփակվի: Եվ ես հետո ինչպե՞ս կերակրեմ իմ ընտանիքը: Կներես: Հուսով եմ, դու կարող ես հասկանալ, որ ես չեմ կարող գումար վերցնել բիզնեսից, երբ ցանկանամ: Ես միայն վճարում եմ ինձ կանոնավոր աշխատավարձ: Մնացած գումարը բիզնեսը պահելու համար է, օգնելու, որ այն աճի, որպեսզի մենք ինքնապահով դառնանք: Դառնալով ինքնապահով, մենք կարող ենք օրհնել մյուսներին:

ՄԱՏԵՈ. Հասկանում եմ:

ՄԱՐԻԱ. Ամեն դեպքում, իմ անձնական խնայողություններում ես 200 ունեմ, որ կարող եմ տալ քեզ, եթե դա կօգնի:

ՄԱՏԵՈ. Իրականում, դա շատ կօգնի: Շնորհակալություն, Մարիա:

ՄԱՐԻԱ. Խնդրեմ: Ուրախ եմ, որ կարողացա մի քիչ օգնել:

Վերադարձ էջ 67

Ձեր ջրի բիզնեսը. Պատասխան բանալի

Երկուշաբթի 2/9 ¹ Վաճառվել է 100 շիշ, յուրաքանչյուրը՝ 10-ով: ² Գնվել է սնունդ ընտանիքի համար՝ 300:

Երեքշաբթի 3/9 ³ Վճարվել է 800 բիզնեսի պարագաների համար: ⁴ Վաճառվել է 30 շիշ, յուրաքանչյուրը՝ 10-ով:

Չորեքշաբթի 4/9 ⁵ Վճարվել է 500 երեխաների դպրոցի վարձը: ⁶ Ինձ վճարվել է աշխատավարձ՝ 1000. ⁷ Վճարվել է 100՝ տասանորդ:

Հինգշաբթի 5/9 ⁸ Վճարվել է 500 անձնական վարձավճար: ⁹ Վաճառվել է 10 սառույցի բլոկ, յուրաքանչյուրը՝ 10-ով:

Ուրբաթ 6/9 ¹⁰ Վաճառվել է 100 շիշ, յուրաքանչյուրը՝ 10-ով: ¹¹ Վճարվել է բիզնեսի վարձերը՝ 200:

Շաբաթ 7/9 ¹² Վաճառվել է 20 շիշ, յուրաքանչյուրը՝ 10-ով: ¹³ Գնվել է նոր հագուստ՝ 100:

Իմ ԲԻԶՆԵՍԻ եկամուտն ու ծախսերը. 2/9–7/9
Ամսաթիվ	Նկարագրություն	Ծախս	Եկամուտ	Հաշվեկշիռ
Բիզնեսի դրամային հաշվեկշիռ				1000
2/9	Վաճառվել է 100 շիշ1		1000	2000
3/9	Բիզնեսի պարագաներ3	-800		1200
3/9	Վաճառվել է 30 շիշ4		300	1500
4/9	Աշխատավարձ6	-1000		500
5/9	Վաճառվել է 10 սառցե բլոկ9		100	600
6/9	Վաճառվել է 100 շիշ10		1000	1600
6/9	Բիզնեսի վարձեր11	-200		1400
7/9	Վաճառվել է 20 շիշ12		200	1600
Ընդհանուր ծախսերն ու եկամուտը		2000	2600	1600

Իմ ԲԻԶՆԵՍԻ եկամտի հաշվետվությունը (2/9–7/9)
Եկամուտ
Շշալցված ջրի վաճառք 141012	2500
Սառցե բլոկների վաճառք9	100
Բիզնեսի ընդհանուր եկամուտը	2600
Ծախսեր
Պարագաներ3	800
Բիզնեսի վարձեր11	200
Աշխատավարձ6	1000
Բիզնեսի ընդհանուր ծախսերը	2000
Բիզնեսի շահույթ (կամ կորուստ) (Եկամուտ - Ծախսեր = )	600

Իմ ԱՆՁՆԱԿԱՆ եկամուտն ու ծախսերը. 2/9–7/9
Ամսաթիվ	Նկարագրություն	Ծախս	Եկամուտ	Հաշվեկշիռ
Անձնական դրամային հաշվեկշիռ				1000
2/9	Սնունդ2	-300		700
4/9	Դպրոցի վարձեր5	-500		200
4/9	Աշխատավարձ6		1000	1200
4/9	Տասանորդ7	-100		1100
5/9	Վարձավճար8	-500		600
7/9	Վերնաշապիկ13	-100		500
Ընդհանուր ծախսերն ու եկամուտը		1500	1000	500

Իմ ԱՆՁՆԱԿԱՆ եկամտի հաշվետվությունը (2/9–7/9)
Եկամուտ
Աշխատավարձ6	1000
Անձնական ընդհանուր եկամուտը	1000
Ծախսեր
Տասանորդ7	100
Վարձավճար8	500
Սնունդ2	300
Այլ513	600
Անձնական ընդհանուր ծախսերը	1500
Անձնական շահույթ (կամ կորուստ) (Եկամուտ - Ծախսեր = )	-500

Վերադարձ էջ 70

Հղումներ