19. Kaisaria sy ny Lemak’i Sarona hatrany Karmela

Mijery mianavaratra miampita ny seranan’i Kaisaria fahiny sy ny Lemak’i Sarona. Tazana manaraka ny tendron’ny sary koa ny tangoron-tendrombohitra Karmela.

Ny zava-dehibe nitranga: Nifandahatra tamin’ireo mpaminany sandok’i Bala teo amin’ny Tendrombohitra Karmela i Elia (1 Mpan. 18). Hita ao atsinanan’i Kaisaria ny Via Maris (Lalan’ny Ranomasina), lalana nanana ny lanjany tamin’ny andro fahiny. I Petera, taorian’ny nahazoany fahitana mahagaga raha izy mbola tany Jopa, dia nanomboka ny fitoriany teo anivon’ny Jentilisa tamin’ny fampianarana kapiteny Romana nantsoina hoe Kornely tao Kaisaria (Asa 10). Nonina sy nitory tao i Filipo ary nanan-janaka vavy efatra izay naminany (Asa 8:40; 21:8–9). Mpifatotra tao amin’io tanàna io i Paoly nandritra ny roa taona (Asa 23–26). Nitory tamin’i Feliksa, i Festosy, ary i Heroda Agripa II, izay niteny hoe: “Ataonao fa mora toy izany ny hampanekenao ahy ho Kristiana” (Asa 26:28).