23. Ranomasin’i Galilea sy ny Tendrombohitry ny Fahasambarana
Mijery mianatsimo andrefana, amin’ny zorony avaratra andrefan’ny Ranomasin’i Galilea, misy farihin-dranomamy iray. Ny havoana eo afovoan’ny tany eto aloha no toerana heverina araka ny lovantsofina ho ny Tendrombohitry ny Fahasambarana. Eo ankavia ivelan’ny sary i Kapernaomy. I Tiberiasy dia eny amin’ny atsimo lavidavitra kokoa manaraka ny morontsiraka andrefana.
Ny zava-dehibe nitranga: Tao amin’io faritra io no nandanian’ny Mpamonjy ny ankamaroan’ny andro nanompoany tety an-tany. Tao Izy no niantso sy nanokana ny Apôstôly Roa ambin’ny Folo (Mat. 4:18–22; 10:1–4; Mar. 1:16–20; 2:13–14; 3:7, 13–19; Lio. 5:1–11), nampianatra ny Toriteny teo an-tendrombohitra (Mat. 5–7), ary nampianatra tamin’ny fanoharana (Mat. 13:1–52; Mar. 4:1–34). Isan’ny fahagagana nataony tao ireto manaraka ireto: nanasitrana boka (Mat. 8:1–4); nampitony ny tafiotra (Mat. 8:23–27); nandroaka avy ao amin’ny zazalahy iray ny devoly iray legiona izay niditra tao amin’ny kisoa ka namarina azy ireo tany an-dranomasina (Mar. 5:1–15); namahana olona 5000 sy 4000 (Mat. 14:14–21; 15:32–38); nandidy ny mpianany handatsaka ny haratony ka nahazoan’izy ireo trondro betsaka (Lio. 5:1–6); nanasitrana olona maro (Mat. 15:29–31; Mar. 3:7–12); ary niseho taorian’ny nitsanganany tamin’ny maty mba hampianatra ny mpianany (Mar. 14:27–28; 16:7; Jao. 21:1–23). (Jereo ny TSM Galilia.)