Mosiya

Buku la Mormoni

Mau Oyamba ndi Mboni
1 Nefi
2 Nefi
Yakobo
Enosi
Yaromu
Omuni
Mawu a Mormoni
Mosiya
Alima
Helamani
3 Nefi
4 Nefi
Mormoni
Eteri
Moroni

Mosiya

Mutu 1
Mfumu Benjamini aphunzitsa ana ake aamuna chiyankhulo ndi mauneneri a makolo awo—Chipembedzo chawo ndi chitukuko chasungidwa chifukwa cha zolemba zosungidwa pa mapale osiyanasiyana—Mosiya asankhidwa monga mfumu ndipo apatsidwa kusunga zolemba ndi zinthu zina. Mdzaka dza pafupifupi 130–124 Yesu asadabadwe.
Mutu 2
Mfumu Benjamini idayankhula ndi anthu ake—Iyo isimba za kusasiyanitsa, chilungamo, ndi uzimu wa kulamulira kwake—Iyo ilangiza iwo kutumikira Mfumu Yawo ya Kumwamba—Amene amawukira motsutsana ndi Mulungu adzazunzika ndi zowawa ngati moto osazimitsika. Mdzaka dza pafupifupi 124 Yesu asadabadwe.
Mutu 3
Mfumu Benjamini ipitiliza kuyankhula kwake—Ambuye Wamphamvu zonse adzatumikira pakati pa anthu m’chihema cha dothi—Mwazi udzachokera m’mabowo onse pamene Iye adzatetezera machimo a dziko lapansi—Lake ndi dzina lokhalo limene chipulumutso chimabwelera—Anthu akhonza kuvula umunthu wachilengedwe ndi kukhala Oyera kudzera mwa Chitetezero—Mazunzo a oipa adzakhala ngati nyanja ya moto ndi sulufure. Mdzaka dza pafupifupi 124 Yesu asadabadwe.
Mutu 4
Mfumu Benjamini ipitiriza kuyankhula kwake—Chipulumutso chimabwera chifukwa cha Chitetezero—Khulupilirani mwa Mulungu kuti mupulumutsidwe—Pezani kukhululukidwa kwa machimo anu kudzera m’kukhulupirika—Perekani chuma chanu kwa osauka—Chitani zonse mwanzeru ndi dongosolo. Mdzaka dza pafupifupi 124 Yesu asadabadwe.
Mutu 5
Oyera mtima akhala ana aamuna ndi aakazi a Khristu kudzera mu chikhulupiliro—Iwo kenako atchedwa ndi dzina la Khristu—Mfumu Benjamini awalimbikitsa kuti akhale okhazikika ndi osasunthika mu ntchito zabwino. Mdzaka dza pafupifupi 124 Yesu asadabadwe.
Mutu 6
Mfumu Benjamini ilemba maina a anthu ndipo aika ansembe kuti adziwaphunzitsa—Mosiya alamulira monga mfumu yolungama. Mdzaka dza pafupifupi 124–121 Yesu asadabadwe.
Mutu 7
Amoni apeza dziko la Lehi-Nefi, kumene Limuhi ali mfumu—Anthu a Limuhi ali mu ukapolo kwa Alamani—Limuhi apereka mbiri yawo—Mneneri (Abinadi) achitira umboni kuti Khristu ndi Mulungu ndi Atate wa zinthu zonse—Amene amafesa zonyasa adzakolola kamvulumvulu, ndipo iwo amene akhulupilira Ambuye adzapulumutsidwa. Mdzaka dza pafupifupi 121 Yesu asadabadwe.
Mutu 8
Amoni aphunzitsa anthu a Limuhi—Aphunzila za mapale makumi awiri ndi anayi a Yaredi—Malemba akale angamasuliridwe ndi alosi—Palibe mphatso yoposa ya ulosi. Mdzaka dza pafupifupi 121 Yesu asadabadwe.
Mutu 9
Zenifu atsogolera gulu kuchokera ku Zarahemula kukatenga dziko la Lehi-Nefi—Mfumu ya Lamani iwaloleza iwo kuti alandire dzikolo—Pali nkhondo pakati pa Alamani ndi anthu a Zenifu. Mdzaka dza pafupifupi 200–187 Yesu asadabadwe.
Mutu 10
Mfumu Lamani imwalira—Anthu ake ndi olusa ndi ankhanza ndipo amakhulupilira m’miyambo yabodza—Zenifu ndi anthu ake awagonjetsa. Mdzaka dza pafupifupi 187–160 Yesu asadabadwe.
Mutu 11
Mfumu Nowa alamulira moipa—Iye asangalala m’moyo wachisokonezo ndi akazi ake ndi adzakazi ake—Abinadi alosera kuti anthu adzatengedwa muukapolo—Moyo wake ufunidwa ndi Mfumu Nowa. Mdzaka dza pafupifupi 160–150 Yesu asadabadwe.
Mutu 12
Abinadi amangidwa chifukwa chonenera kuwonongedwa kwa anthu ndi imfa ya Mfumu Nowa—Ansembe onyenga atchula malemba ndipo anamizira kusunga chilamulo cha Mose—Abinadi ayamba kuwaphunzitsa Malamulo Khumi. Mdzaka dza pafupifupi 148 Yesu asadabadwe.
Mutu 13
Abinadi atetezedwa ndi mphamvu ya umulungu—Aphunzitsa Malamulo Khumi—Chipulumutso sichimabwera ndi lamulo la Mose lokha—Mulungu Mwiniwake adzachita chitetezero ndi kuwombola anthu Ake. Mdzaka dza pafupifupi 148 Yesu asadabadwe.
Mutu 14
Yesaya ayankhula mwaumesiya—Kunyozedwa kwa Mesiya ndi zowawa zikhazikitsidwa—Iye apanga moyo Wake kukhala nsembe ya uchimo ndi kupanga chipembedzero cha olakwa—Fananitsani ndi Yesaya 53. Mdzaka dza pafupifupi 148 Yesu asadabadwe.
Mutu 15
Momwe Khristu aliri Atate ndi Mwana—Adzachita mapembedzero ndi kunyamula zolakwa za anthu ake. Iwo ndi aneneri wonse oyera ndiwo mbewu yake—Iye amakwaniritsa Chiukitso—Ana aang’ono ali ndi moyo wamuyaya. Mdzaka dza pafupifupi 148 Yesu asadabadwe.
Mutu 16
Mulungu amawombola anthu kuchokera ku mkhalidwe wawo wotayika ndi wakugwa—Awo amene ali athupi amakhala ngati kuti palibe chiwombolo—Khristu amadzetsa chiukitso ku moyo wosatha kapena ku chilango chosatha. Mdzaka dza pafupifupi 148 Yesu asadabadwe.
Mutu 17
Alima akhulupilira ndi kulemba mawu a Abinadi—Abinadi azunzika imfa ya moto—Iye alosera matenda ndi imfa ya moto pa omupha iye. Mdzaka dza pafupifupi 148 Yesu asadabadwe.
Mutu 18
Alima alalikira mwachinsinsi—Iye aika patsogolo pangano la ubatizo ndipo abatiza pa madzi a Mormoni—Iye akonza Mpingo wa Khristu ndi kudzoza ansembe—Adzithandiza okha ndi kuphunzitsa anthu—Alima ndi anthu ake athawa kwa Mfumu Nowa kupita m’chipululu. Mdzaka dza pafupifupi 147–145 Yesu asadabadwe.
Mutu 19
Gideoni afuna kupha Mfumu Nowa—Alamani awukira dziko—Mfumu Nowa azunzika ndi imfa ya moto—Limuhi alamulira monga mfumu yopereka msonkho. Mdzaka dza pafupifupi 145–121 Yesu asadabadwe.
Mutu 20
Ana aakazi ena a Alamani abedwa ndi ansembe a Nowa—Alamani achita nkhondo pa Limuhi ndi anthu ake—Makamu a Alamani abwenzedwa ndi kutonthozedwa. Mdzaka dza pafupifupi 145–123 Yesu asadabadwe.
Mutu 21
Anthu a Limuhi akanthidwa ndi kugonjetsedwa ndi Alamani—Anthu a Limuhi akumana ndi Amoni ndipo atembenuka—Iwo awuza Amoni za mapale makumi awiri ndi anayi a Ayeredi. Mdzaka dza pafupifupi 122–121 Yesu asadabadwe.
Mutu 22
Madongosolo apangidwa kuti anthu athawe ku ukapolo wa Alamani—Alamani aledzera—Anthu athawa, abwelera ku Zarahemula, ndipo akhala omvera kwa Mfumu Mosiya. Mdzaka dza pafupifupi 121–120 Yesu asadabadwe.
Mutu 23
Alima akana kukhala mfumu—Iye atumikira monga mkulu wansembe—Ambuye alanga anthu ake, ndipo Alamani agonjetsa dziko la Helamu—Amuloni, mtsogoleri wa ansembe oipa a Mfumu Nowa, alamulira pansi pa mfumu yachilamani. Mdzaka dza pafupifupi 145–121 Yesu asadabadwe.
Mutu 24
Amuloni azunza Alima ndi anthu ake—Iwo akuyenera kuphedwa ngati apemphera—Ambuye apanga zolemetsa zawo kukhala zopepuka—Awawombola iwo kuchokera mu ukapolo, ndipo abwelera ku Zarahemula. Mdzaka dza pafupifupi 145–120 Yesu asadabadwe.
Mutu 25
Dzidzukulu dza Muleki ku Zarahemula zidakhala Anefi—Iwo aphunzira za anthu a Alima ndi a Zenifu—Alima abatiza Limuhi ndi anthu ake onse—Mosiya aloreza Alima kupanga mpingo wa Mulungu. Mdzaka dza pafupifupi 120 Yesu asadabadwe.
Mutu 26
Mamembala wochuluka a mu Mpingo atsogozedwa mu uchimo ndi wosakhulupilira—Alima alonjezedwa moyo wamuyaya—Amene alapa ndi kubatizidwa apeza chikhululukiro—Mamembala a mpingo a mu uchimo amene alapa ndi kuvomereza kwa Alima ndi kwa Ambuye adzakhululukidwa; kupatula apo, iwo sadzawerengedwa pakati pa anthu a Mpingo. Mdzaka dza pafupifupi 120–100 Yesu asadabadwe.
Mutu 27
Mosiya aletsa mazunzo ndipo alamulira kufanana—Alima wamng’ono ndi ana aamuna anayi a Mosiya afunafuna kuwononga Mpingo—Mngelo awonekera ndi kuwalamulira iwo kusiya njira yawo yoipa—Alima akanthidwa kukhala wosayankhula—Anthu onse ayenera kubadwa mwatsopano kuti alandire chipulumutso—Alima ndi ana aamuna a Mosiya alalikira uthenga wabwino. Mdzaka dza pafupifupi 100–92 Yesu asadabadwe.
Mutu 28
Ana a Mosiya apita kukalalikira kwa Alamani—Pogwiritsa ntchito miyala iwiri ya ulosi, Mosiya amasulira mapale a Ayaredi. Mdzaka dza pafupifupi 92 Yesu asadabadwe.
Mutu 29
Mosiya anena kuti oweruza asankhidwe m’malo mwa mfumu—Mafumu osalungama amatsogolera anthu awo mu uchimo—Alima wamng’ono asankhidwa oweruza wamkulu ndi mawu a anthu—Iyenso ndi mkulu wansembe wa Mpingo—Alima wamkulu ndi Mosiya amwalira. Mdzaka dza pafupifupi 92–91 Yesu asadabadwe.