1 என்னுடைய ஊழியக்காரனாகிய லைமன், மெய்யாகவே கர்த்தர் உனக்குச் சொல்லுகிறார்: நான் நியமித்தவனுடைய ஆலோசனையைப் பெற இந்த காலையில் இங்கே வந்து என்னுடைய சத்தத்திற்கு நீ கீழ்ப்படிந்ததால் உன்னுடைய பாவங்கள் உனக்கு மன்னிக்கப்பட்டன.

2 ஆகவே, உன்னுடைய ஆவிக்குரிய காரியங்களின் நிலையைப் பொருத்தவரை உனது ஆத்துமா இளைப்பாறி, இனியும் என்னுடைய சத்தத்தை தடைசெய்யாதிருப்பானாக.

3 நீ எழுந்திருந்து, நீ செய்த, செய்கிற, உன்னுடைய பொருத்தனைகளை கைக்கொள்ளுவதில் இப்போதிலிருந்து அதிக கவனமாயிரு, அதிக ஆசீர்வாதங்களுடன் நீ மிக அதிகமாக ஆசீர்வதிக்கப்படுவாய்.

4 என்னுடைய ஊழியக்காரர்களால் பயபக்தியான கூட்டம் அழைக்கப்படும்வரை பொறுமையாய் காத்திரு, பின்னர் என்னுடைய மூப்பர்களில் முதன்மையானவர்களுடன் நீ நினைவுகூரப்படுவாய், நான் தெரிந்துகொண்ட மீதியான என்னுடைய மூப்பர்களுடன் நியமனத்தால் உரிமையைப் பெறுவாய்.

5 இதோ, நீ உண்மையுள்ளவனாய் தொடர்ந்திருந்தால் இது உனக்கு பிதாவின் வாக்குத்தத்தமாய் இருக்கிறது.

6 அந்த நேரத்திலிருந்து நான் உன்னை எங்கே அனுப்பினாலும் என்னுடைய சுவிசேஷத்தைப் பிரசங்கிக்க உனக்கு உரிமையிருக்கும்படியாக அந்த நாளில் உன்மீது அது நிறைவேற்றப்படும்.

7 ஆகவே, உன்னுடைய சகல உரையாடலிலும், உன்னுடைய சகல ஜெபங்களிலும், உன்னுடைய சகல புத்திமதிகளிலும், உன்னுடைய சகல செயல்களிலும் உன்னுடைய சகோதரரை பலப்படுத்து.

8 இதோ, உன்னை என்றென்றைக்குமாய் ஆசீர்வதிக்கவும் உன்னை விடுவிக்கவும் நான் உன்னோடிருக்கிறேன். ஆமென்.