1 இஸ்ரவேலின் வல்லவரான கர்த்தராகிய தேவன் இப்படியாகச் சொல்லுகிறார்: இதோ, எனது ஊழியக்காரனாகிய எட்வர்ட், நீ ஆசீர்வதிக்கப்படுகிறாய், உனது பாவங்கள் உனக்கு மன்னிக்கப்பட்டன, ஒரு எக்காளச் சத்தத்தைப் போல எனது சுவிசேஷத்தைப் பிரசங்கிக்க நீ அழைக்கப்பட்டிருக்கிறாய் என நான் உனக்குச் சொல்லுகிறேன்.

2 எனது ஊழியக்காரனாகிய சிட்னி ரிக்டனின் கையால் நான் எனது கையை உன்மேல் வைப்பேன், பரிசுத்த ஆவியான எனது ஆவியை, ராஜ்யத்தின் சமாதானமான காரியங்களை உனக்குப் போதிக்கிற தேற்றரவாளனை நீ பெறுவாய்;

3 அதை ஒரு சத்தமான குரலில் நீ சொல்லி அறிவிப்பாயாக: ஓசன்னா, உன்னதமான தேவனின் நாமம் ஆசீர்வதிக்கப்பட்டிருப்பதாக.

4 இப்பொழுது சகல மனுஷர்களையும் குறித்த இந்த அழைப்பையும் கட்டளையையும் நான் உனக்குக் கொடுக்கிறேன்,

5 இந்த அழைப்பையும் கட்டளையையும் ஏற்றுக்கொண்டு எனது ஊழியக்காரனாகிய சிட்னி ரிக்டனுக்கும் ஜோசப் ஸ்மித் இளையவனுக்கும் முன்பாக வருகிற அநேகரும் நியமிக்கப்பட்டு, தேசங்களுக்கு மத்தியில் நித்திய சுவிசேஷத்தைப் பிரசங்கிக்க அனுப்பப்படுவார்கள்,

6 மனந்திரும்புதலுக்காக கூக்குரலிட்டுச் சொல்லுங்கள்: இந்த அடங்காத சந்ததியை விட்டு விலகி உங்களை இரட்சித்துக் கொள்ளுங்கள், மாம்சத்தால் கறைபட்டிருக்கிற வஸ்திரத்தை வெறுத்து, அக்கினியைவிட்டு வெளியே வாருங்கள்.

7 நான் பேசியபடி ஒரே எண்ணத்தோடு அதை ஏற்றுக் கொள்ளுகிற ஒவ்வொரு மனுஷனும் நியமிக்கப்பட்டு அனுப்பப்படலாம் என்ற இந்த கட்டளை எனது சபையின் மூப்பர்களுக்குக் கொடுக்கப்படும்.

8 தேவகுமாரனாகிய நானே இயேசு கிறிஸ்து; ஆகவே, உங்கள் அரைக் கச்சையை கட்டிக்கொள்ளுங்கள், திடீரென நான் என்னுடைய ஆலயத்திற்கு வருவேன். அப்படியே ஆகக்கடவது. ஆமென்.