1 மேலும் கர்த்தர் என்னிடம் சொன்னதாவது: எனக்குப் பிரியமான யோவானே, நீ எதை வாஞ்சிக்கிறாய்? ஏனெனில் நீ எதை வாஞ்சிக்கிறாயென கேட்டால் அது உனக்கு அருளப்படும்.

2 மேலும் நான் அவரிடம் சொன்னதாவது: நான் உயிரோடிருந்து ஆத்துமாக்களை உம்மண்டை கொண்டுவரத்தக்கதாக கர்த்தாவே, மரணத்தின்மேல் எனக்கு வல்லமை கொடும்.

3 மேலும் கர்த்தர் என்னிடம் சொன்னார்: இதை நீ வாஞ்சித்ததால் நான் மகிமையில் வரும் வரைக்கும், நீ இருந்து, தேசத்தாருக்கும், இனத்தாருக்கும், பாஷைக்காரருக்கும், ஜனங்களுக்கும் முன்பாக தீர்க்கதரிசனமுரை என மெய்யாகவே, மெய்யாகவே, நான் உனக்குச் சொல்லுகிறேன்.

4 இந்தக் காரணத்திற்காகவே பேதுருவிடம் கர்த்தர் சொன்னதாவது: நான் வருமளவும் இவனிருக்க எனக்கு சித்தமானால், உனக்கென்ன? ஏனெனில் என்னிடத்தில் ஆத்துமாக்களைக், கொண்டுவருவதற்காக அவன் என்னிடம் வாஞ்சித்தான், ஆனால் நீ எனது ராஜ்யத்தில் என்னிடத்தில் விரைவில் வருவதற்கு வாஞ்சித்தாய்.

5 பேதுருவே, நான் உனக்குச் சொல்லுகிறேன், இது ஒரு நல்ல வாஞ்சை; ஆனால் எனக்குப் பிரியமானவன் இன்னமும் அதிகமாகச் செய்ய வாஞ்சிக்கிறான், அல்லது மனுஷருக்குள் இதற்கு முன் அவன் செய்ததைவிட ஒரு மகத்தான பணியைச் செய்ய அவன் வாஞ்சிக்கிறான்.

6 ஆம், ஒரு மகத்தான பணியை அவன் எடுத்திருக்கிறான்; ஆகவே அக்கினி ஜூவாலையாகவும், ஒரு பணிவிடை தூதனாகவும் நான் அவனை ஆக்குவேன்; பூமியின்மேல் வாசம் செய்கிற இரட்சிப்பை சுதந்தரிக்கப் போகிறவர்களுக்காக அவன் ஊழியம் செய்வான்.

7 உன்னை நான் அவனுக்கும் உன்னுடைய சகோதரனாகிய யாக்கோபுவுக்கும் ஊழியம் செய்ய செய்வேன்; நான் வரும்வரை, இந்த வல்லமையையும் இந்த ஊழியத்தின் திறவுகோல்களையும் உங்கள் மூவருக்கும் நான் கொடுப்பேன்.

8 மெய்யாகவே நான் உனக்குச் சொல்லுகிறேன், உங்கள் வாஞ்சையின்படியே நீங்கள் இருவரும் பெறுவீர்கள், ஏனெனில் நீங்கள் வாஞ்சித்ததில் நீங்கள் இருவரும் மகிழ்ச்சியடைவீர்கள்.