1 இதோ, இப்படியாக எனது ஊழியக்காரர்களாகிய உங்களுக்குக் கர்த்தர் சொல்லுகிறார், கடிதம் மூலமாகவோ அல்லது வேறு சிலவழியிலோ, கிழக்கிலும் மேற்கிலும் வடக்கிலும் தெற்கிலுமிருந்து எனது சபையின் மூப்பர்கள் ஒன்றுகூட அழைக்கப்படவேண்டுமென்பது எனக்கு அவசியமாயிருக்கிறது.

2 அவர்கள் எவ்வளவுக்கெவ்வளவாய் விசுவாசமுள்ளவர்களாயிருந்து என்னில் விசுவாசம் வைக்கிறார்களோ, அவ்வளவாய் அவர்கள் ஒன்றுகூடும் நாளில் அவர்கள் மேல் என் ஆவியை நான் ஊற்றுவேன்.

3 அவர்கள் சுற்றிலுமுள்ள பகுதிகளுக்குப் போய் ஜனங்களிடத்தில் மனந்திரும்புதலைப் பிரசங்கிப்பார்கள்.

4 அநேகர் மனம்மாறி மனுஷர்களின் சட்டத்தின்படி உங்களை அமைத்துக்கொள்ளுமளவுக்கு நீங்கள் அதிகாரம் பெறுவீர்கள்.

5 உங்கள் சத்துருக்கள் உங்களை மேற்கொள்ள அதிகாரம் பெறாதபடிக்கு சகல காரியங்களிலும் நீங்கள் பாதுகாக்கப்படும்படியாக எனது நியாயப்பிரமாணங்களை கைக்கொள்ள நீங்கள் திறமைபெறும்படியாக எனது ஜனத்தை அழிக்க சத்துரு வகைதேடுகிற அனைத்துக் கட்டுக்களும் உடைக்கப்படும்.

6 இதோ, நான் உங்களுக்குச் சொல்லுகிறேன், நீங்கள் பெற்ற எனது பிரமாணத்தின்படி சகல காரியங்களும் அவர்களுக்குக் கிடைக்கும்வரை சிறுமையும் எளிமையுமானவர்களை நீங்கள் சந்தித்து அவர்களின் நிவாரணத்துக்கு பணிவிடை செய்யவேண்டும். ஆமென்.