1 என்னுடைய ஊழியக்காரனாகிய ஆலிவர் கௌட்ரிக்காக நான் சொல்வதைக் கேளுங்கள் என உங்கள் தேவனாகிய கர்த்தர் சொல்லுகிறார். உண்மையும் விசுவாசமுமுள்ள ஒருவன் அவனோடு போனாலொழிய, சீயோன் தேசத்திற்கு அவன் எடுத்துப்போக கட்டளைகளின் பிரதிகளையும் பணத்தையும் அவனிடத்தில் ஒப்படைக்கப்படுவது என்னுடைய ஞானமில்லை.

2 ஆகவே, என்னுடைய ஊழியக்காரனாகிய ஜான் விட்மர் என்னுடைய ஊழியக்காரனாகிய ஆலிவர் கௌட்ரியுடன் போகவேண்டுமென கர்த்தராகிய நான் வாஞ்சிக்கிறேன்;

3 என்னுடைய சபையைக் குறித்து அவன் கவனித்த, அறிந்த முக்கியமான அனைத்துக் காரியங்களையும் அவன் தொடர்ந்து எழுதி ஒரு வரலாற்றை உருவாக்கவேண்டும்;

4 என்னுடைய ஊழியக்காரனாகிய ஆலிவர் கௌட்ரியிடமிருந்தும் மற்றவர்களிடமிருந்தும் ஆலோசனையையும் உதவியையும் அவன் பெற வேண்டும்.

5 பூமியின் மீதெங்குமுள்ள என்னுடைய ஊழியக்காரர்களும் சீயோன் தேசத்திற்கு தங்களுடைய உக்கிராணத்துவத்திலுள்ள கணக்குகளை அனுப்பவேண்டும்;

6 ஏனெனில் இந்த சகல காரியங்களைப் பெறவும், செய்யவும் சீயோன் தேசம் ஒரு இருக்கையாகவும், இடமாகவுமிருக்கும்.

7 ஆயினும், மிக எளிதாக அவன் அறிவைப் பெற, இடம்விட்டு இடமும், சபைவிட்டு சபைக்கும் அநேக முறைகள் என்னுடைய ஊழியக்காரனாகிய ஜான் விட்மர் பயணம் செய்வானாக.

8 சபையின் நன்மையாயிருக்கப் போகிற, சீயோன் தேசத்தில் எழும்புகிற தலைமுறைகளுக்காக, பிரசங்கித்து, வியாக்கியானம்செய்து, எழுதி, பிரதி எடுத்து, தெரிந்தெடுத்து, சகல காரியங்களையும் ஒரு தலைமுறையிலிருந்து மற்றொரு தலைமுறை வரை என்றென்றைக்குமாய் பெற்றுக்கொள்ளவேண்டும். ஆமென்.