பாகம் 129
தூதர்கள் மற்றும் ஆவிகளின் பணிவிடைகளின் சரியான தன்மையை பிரித்தரியும்படிக்கு மூன்று மகத்தான திறவுகோல்களை தெரியப்படுத்துவதில் பிப்ருவரி 9, 1843ல் இலினாயின் நாவூவில் தீர்க்கதரிசி ஜோசப் ஸ்மித்தால் கொடுக்கப்பட்ட அறிவுரைகள்.
1–3, பரலோகத்தில் உயிர்த்தெழுந்த மற்றும் ஆவி சரீரங்கள் இரண்டுமிருக்கின்றன; 4–9, திரைக்கு அப்பாலிலிருக்கும் தூதுவர்களை அடையாளம் காணும்படியாக திறவுகோல்கள் கொடுக்கப்பட்டிருக்கின்றன.
1 பரலோகத்தில் இரண்டு வகையான ஜீவன்களிருக்கின்றன: மாம்ச சரீரங்களையும் எலும்புகளையும் கொண்ட உயிர்த்தெழுந்தவர்களான தூதர்கள்,
2 உதாரணமாக இயேசு சொன்னார்: என்னைத் தொட்டுப்பாருங்கள், நீங்கள் காண்கிறபடி எனக்கு மாம்சமும் எலும்புகளும் உண்டாயிருக்கிறது போல ஒரு ஆவிக்கு இராதே.
3 இரண்டாவதாக உயிர்த்தெழாத பரிபூரணமாக்கப்பட்ட நீதிமான்களின் ஆவிகள், ஆனால் அதே மகிமையை சுதந்தரிக்கிறார்கள்.
4 தேவனிடமிருந்து ஒரு செய்தியை அவன் வைத்திருக்கிறான் என ஒரு தூதன் வந்து சொல்லும்போது அவனுக்கு உன்னுடைய கையைக் கொடுத்து உன்னோடு கைகுலுக்கும்படி வேண்டிக்கொள்.
5 அவன் ஒரு தூதனாயிருந்தால் அவன் அப்படிச் செய்வான், அவனுடைய கரத்தை நீ உணருவாய்.
6 பரிபூரணமாக்கப்பட்ட ஒரு நீதியான மனுஷனின் ஆவியாய் அவனிருந்தால் அவனுடைய மகிமையில் அவன் வருவான்; ஏனெனில் அந்த ஒரே வழியில் மட்டுமே அவன் தோற்றமளிக்க முடியும்,
7 உன்னோடு கைகளைக் குலுக்கும்படி அவனைக் கேள், அவன் நகரமாட்டான். ஏமாற்றுவது ஒரு நீதியான மனுஷனுக்கு, பரலோகத்தின் முறைமைக்கு மாறானது. ஆனால் இருப்பினும் அவனுடைய செய்தியை அவன் அறிவிப்பான்.
8 ஒளியின் தூதன் போன்ற அது பிசாசானவனாக இருந்தால், கைகளைக் குலுக்க நீ அவனைக் கேட்கும்போது அவன் அவனுடைய கைகளை உனக்குக் கொடுப்பான், நீ எதையும் உணரமாட்டாய்; ஆகவே நீ அவனைக் கண்டுபிடிப்பாய்.
9 எந்த நிர்வகித்தலும் தேவனிடமிருந்து வந்ததாவென நீ அறிந்துகொள்ளும்படிக்கு இந்த மூன்று திறவுகோல்களுமிருக்கின்றன.