1 இதோ, ஆலிவர், உன்னிடம் நான் ஒரு சில வார்த்தைகளைப் பேசுகிறேன். இதோ, நீ ஆசீர்வதிக்கப்பட்டிருப்பாய், ஆக்கினையின் கீழ் இல்லை. ஆனால் பெருமையைக் குறித்து எச்சரிக்கையாயிரு, இல்லையானால் நீ சோதனைக்குள்ளாக்கப்படுவாய்.

2 உனது அழைப்பை சபைக்கும், உலகத்துக்கும் தெரியப்படுத்து, இப்போதிலிருந்து என்றென்றைக்கும் சத்தியத்தைப் பிரசங்கிக்க உனது இருதயம் திறக்கப்படும். ஆமென்.

3 இதோ, ஹைரம் உன்னிடம் நான் ஒரு சில வார்த்தைகளைப் பேசுகிறேன்; நீயும்கூட ஆக்கினையின் கீழ் இல்லை, உனது இருதயம் திறக்கப்பட்டும் உனது நாவு தளர்த்தப்பட்டும் இருக்கிறது; உனது அழைப்பு புத்தி சொல்லவும் தொடர்ந்து சபையைப் பெலப்படுத்தவுமே. ஆகவே உனது கடமை சபைக்காக என்றென்றைக்கும் உள்ளது, மேலும் இது உனது குடும்பத்தினிமித்தமே. ஆமென்.

4 இதோ, சாமுவேல் உன்னிடம் நான் ஒரு சில வார்த்தைகளைப் பேசுகிறேன்; நீயும் கூட ஆக்கினையின் கீழ் இல்லை, உனது அழைப்பு புத்தி சொல்லவும், சபையைப் பெலப்படுத்தவுமே; இன்னமும் உலகத்திற்கு முன்பாக பிரசங்கிக்க நீ அழைக்கப்படவில்லை. ஆமென்.

5 இதோ, ஜோசப் உன்னிடம் நான் ஒருசில வார்த்தைகளைப் பேசுகிறேன்; நீயும் கூட ஆக்கினையின் கீழ் இல்லை, உனது அழைப்பும் புத்தி சொல்லவும் சபையைப் பெலப்படுத்துவதுமே; இது இப்போதிலிருந்து என்றென்றைக்கும் உனது கடமையாயிருக்கிறது. ஆமென்.

6 இதோ, ஜோசப் நைட், உனது சிலுவையை நீ எடுத்துக்கொண்டு, உலகத்திற்கு முன்பாக, நீ சத்தமாகவும் இரகசியமாகவும், உனது குடும்பத்திலும், உனது நண்பர்கள் மத்தியிலும், எல்லா இடங்களிலும் ஜெபிக்க வேண்டுமென இந்த வார்த்தைகளால் நான் உனக்கு தெரிவிக்கிறேன்.

7 இதோ, மெய்யான சபையுடன் இணைப்பது உனது கடமை, வேலைக்காரனின் பலனை நீ பெறும்படியாக, தொடர்ந்து புத்தி சொல்ல உனது வார்த்தையைக் கொடு. ஆமென்.