1 மெய்யாகவே இப்படியாக கர்த்தர் சொல்லுகிறார்: உடனடியாக ஒரு மாநாடு நடத்தப்படுவதாக; பன்னிருவர் ஏற்படுத்தப்படுவார்களாக; வீழ்ந்து விட்டவர்கள் இடத்தை நிரப்ப பிற மனுஷர் நியமிக்கப்படுவார்களாக.

2 என்னுடைய வார்த்தையை அறிவிக்க கொஞ்சக் காலத்திற்கு சீயோன் தேசத்தில் என்னுடைய ஊழியக்காரனாகிய தாமஸ் தங்கியிருப்பானாக.

3 அந்த மணி நேரத்திலிருந்து மீதியானோர் தொடர்ந்து பிரசங்கிப்பார்களாக. இருதயத்தின் முழு தாழ்மையிலும், சாந்தத்திலும், அடக்கத்திலும், நீடிய சாந்தத்திலும் இதை அவர்கள் செய்தால், கர்த்தராகிய நான் அவர்களுடைய குடும்பங்களின் தேவைகளுக்கு கொடுப்பேன் என வாக்குத்தத்தம் செய்கிறார்; அநுகூலமான ஒரு வாசல் இப்போதிலிருந்து அவர்களுக்காகத் திறக்கப்படும்.

4 அடுத்த வசந்தத்தில் பரந்த தண்ணீர்கள் மேல் போவதற்கு அவர்கள் புறப்படுவார்களாக, அங்கே அவர்கள் என்னுடைய முழுமையான சுவிசேஷத்தை அறிவித்து என்னுடைய நாமத்தில் சாட்சி கொடுப்பார்களாக.

5 அடுத்த ஏப்ரல் இருபத்தாறாவது நாளில் என்னுடைய வீடு கட்டுமிடத்தில் பார் வெஸ்ட் பட்டணத்தில் என்னுடைய பரிசுத்தவான்களைவிட்டு அவர்கள் பிரிந்து செல்வார்களாக என கர்த்தர் சொல்லுகிறார்.

6 வீழ்ந்து போனவர்களின் இடங்களை நிரப்பவும் அவர்களுடைய நியமிப்புகளை அதிகாரப்பூர்வமாக அறிவிக்கவும் என்னுடைய ஊழியக்காரனாகிய ஜான் டெய்லரும் என்னுடைய ஊழியக்காரனாகிய ஜான் இ. பேஜும் என்னுடைய ஊழியக்காரனாகிய வில்பர்ட் உட்ரப்பும் என்னுடைய ஊழியக்காரனாகிய வில்லார்ட் ரிச்சர்ட்ஸூம் நியமிக்கப்படுவார்களாக.