1 மனுபுத்திரர்களுக்குள் ஒரு பெரிதும் அற்புதமுமான கிரியை வரப்போகிறது.

2 இதோ, நானே தேவன், எனது வார்த்தைக்குச் செவிகொடுங்கள், அது ஜீவனும் வல்லமையுமுள்ள, கணுக்களையும் ஊனையும் பிரிக்கத்தக்க, இருபுறமும் கருக்குள்ள பட்டயத்தைவிட கூர்மையானது, ஆகவே எனது வார்த்தைக்குச் செவிகொடுங்கள்.

3 இதோ, வயல் இப்பொழுதே அறுப்புக்கு விளைந்திருக்கிறது; ஆகவே, அறுவடைக்கு வாஞ்சிக்கிறவன் தனது முழு பெலத்துடன் அரிவாளை நீட்டி, தேவனுடைய ராஜ்யத்தில் தனது ஆத்துமாவுக்கான நித்திய இரட்சிப்புக்காக பொக்கிஷப்படுத்தும்படியாக பகல் இருக்கும்வரை அறுவடை செய்யக்கடவன்.

4 ஆம், தனது அரிவாளை நீட்டி அறுவடை செய்கிறவன் தேவனால் அழைக்கப்பட்டவன்.

5 ஆகவே, என்னிடம் கேட்டால் நீ பெற்றுக்கொள்வாய்; நீ தட்டினால் அது உனக்குத் திறக்கப்படும்.

6 இப்பொழுது, நீ கேட்டதினால், இதோ, எனது கட்டளைகளைக் கைக்கொண்டு, சீயோனைக் கொண்டுவந்து அதை ஸ்தாபிக்க வகைதேடு என நான் உனக்குச் சொல்லுகிறேன்;

7 இதோ, உன்னிடமும், இந்த பணியை கொண்டுவந்து, ஸ்தாபிக்க வாஞ்சிக்கிற அனைவரிடமும் நான் பேசுகிறேன்;

8 தாழ்மையாயும் அன்பில் பூரணப்பட்டுமிருந்து, விசுவாசம், நம்பிக்கை மற்றும் தயாளமுள்ளவர்களாயிருந்து, அவனது பொறுப்பில் விடப்பட்ட எக்காரியமாயிருந்தாலும், எல்லாவற்றிலும் இச்சையடக்கமுள்ளவர்களைத் தவிர யாராலும் இந்த பணிக்கு உதவமுடியாது.

9 இதோ, இந்த வார்த்தைகளைப் பேசுகிற நானே உலகின் ஒளியும் ஜீவனுமாயிருக்கிறேன், ஆகவே உன் ஊக்கத்தோடு செவிகொடு, அப்பொழுது நீ அழைக்கப்படுகிறாய். ஆமென்.