1 எனது ஊழியக்காரனாகிய ஜான், செவிகொடு, மற்றும் உனது கர்த்தரும் உனது மீட்பருமான இயேசு கிறிஸ்துவின் வார்த்தைகளைக் கேள்.

2 இதோ, கண்டிப்புடனும், வல்லமையுடனும் நான் உன்னுடனே பேசுகிறேன், ஏனெனில் என் கரம் பூமி முழுவதிலுமிருக்கிறது.

3 என்னையும் உன்னையும் தவிர ஒரு மனுஷனும் அறிந்திராததை நான் உனக்குக் கூறுவேன்.

4 ஏனெனில் உனக்கு அதிக மதிப்புடையது எதுவாயிருக்குமென அறிய அநேக முறைகள் என்னிடம் நீ வாஞ்சித்தாய்.

5 இதோ, இந்தக் காரியத்திற்காகவும், எனது கட்டளைகளின்படி நான் உனக்குக் கொடுத்த எனது வார்த்தைகளை பேசியதற்காகவும் நீ பாக்கியவானாயிருப்பாய்.

6 இதோ, எனது பிதாவின் ராஜ்யத்தில் அவர்களோடு இளைப்பாற, என்னிடத்தில் ஆத்துமாக்களை கொண்டுவர, இந்த ஜனங்களிடத்தில் மனந்திரும்புதலை நீ அறிவிப்பதுவே உனக்கு பெருமதிப்பானதாயிருக்குமென இப்பொழுது நான் உனக்குச் சொல்லுகிறேன். ஆமென்.