1 இதோ, எனது ஊழியக்காரனாகிய சிட்னி கில்பர்ட், நான் உனக்குச் சொல்லுகிறேன், நான் உன்னுடைய ஜெபங்களைக் கேட்டேன்; இந்த கடைசி நாட்களில் கர்த்தராகிய நான் நிலை நிறுத்திய உனது அழைப்பைப்பற்றியும், சபையின் தெரிந்துகொள்ளுதலைப்பற்றியும் உனக்கு அறிவிக்கும்படியாக உன்னுடைய தேவனாகிய கர்த்தராகிய என்னை நோக்கி நீ அழைத்தாய்.

2 இதோ, உலகத்தின் பாவங்களுக்காக சிலுவையிலறையப்பட்ட கர்த்தராகிய நான், உலகத்தை நீ கைவிடும்படியாக உனக்கு ஒரு கட்டளையைக் கொடுத்தேன்.

3 எனது வார்த்தையின்படியும், கைகள் வைக்கப்படுவதால் பரிசுத்த ஆவியை பெற்றுக்கொள்வதன்படியும், விசுவாசத்தையும், மனந்திரும்புதலையும், பாவங்களை விட்டு விடுதலையும் பிரசங்கிக்க ஒரு மூப்பராகவும் எனது நியமனத்தை உன்மீது எடுத்துக்கொள்;

4 இப்போதிலிருந்து கொடுக்கப்படுகிற கட்டளைகளின்படி, ஆயரால் நியமிக்கப்படுகிற இடத்தில் இந்த சபைக்கு ஒரு பிரதிநிதியாகவுமிரு.

5 மீண்டும், மெய்யாகவே நான் உனக்குச் சொல்லுகிறேன், எனது ஊழியக்காரர்களாகிய ஜோசப் ஸ்மித், இளையவருடனும், சிட்னி ரிக்டனுடனும் உன்னுடைய பயணத்தை நீ மேற்கொள்ளலாம்.

6 இதோ, நீ பெறக்கூடிய முதல் நியமங்கள் இவைகளே, எனது திராட்சைத்தோட்டத்திலே நீ பிரயாசப்படுவதன்படி வரும் நேரத்தில் மீதியானவைகள் அறிவிக்கப்படும்.

7 மீண்டும், முடிவுபரியந்தம் நிலைத்திருப்பவனே இரட்சிக்கப்படுவான் என்பதை நீ அறிந்துகொள்ளவேண்டுமென நான் விரும்புகிறேன். அப்படியே ஆகக்கடவது. ஆமென்.